“Paburen mu keng manik ban kwanan mi la ring
papel ning kekong ginu!” nganing direktorsilyo.
"Atin kong kapaintulutan? Nung ala, e ko papanik,” ngana ning metung a matwa.
Dapot ding sundalus tepus de iti karing kulata ding baril, menik la king eran . . . ing misnang kapal a asuk kitmwa'ne ing bale at ding mangaragul a lablab ning api lulwa'la king sidwan, pagmulan da nong patawan ding pasbul at awang.
"Silab ! Silab ! Api!" ngarang gugulisak ding sabla.
Ding karin migulut-gulut la ban sagipan ing malyaring mesagip, dapot ing ap^miras na king malating laboratoryo at mitatau no ring panulung malagwang mikalabkab. Ding gwardya sibil mepilit lang minurung, kebat no dalan ning aping milalabungbung at magsabat king sablang darasa’na. Alang ulaga ing danum a panugtug king aping meyakwa king talaga. Ding sabla gugulisak la, manyawad saup, dapot alang milapit. Ing api disa'na no ring myayaliwang dake ning bale at paitas na babo, mitatalakad mangatas at makapal a asuk. Ing bale makapatulug ne king api, ing angin a sisikan lalu nang pepalablab iti. Ding mapilan a maglalaultang ibat king makarayu dinatang la ba'rang alben itang makatakut a silab, ing kayanggana'nitang matwang bale a king makabang panaun ginalang ding upaya ning lelangan.
