"Ibat ketang liba'neng Balat ing balen, e ku pa menakit kabengyan a kalupa na nita,” nganang mekibat Hermana Pute.
“Karakal a akbungan I Sabi ra deta tapuk no kanung matwang Pablu.”
"Tulisan . . .? E malyari. Sabi ra ding pulis laban karing gwardya sibil, inya sa mesukul ya i'Don Filipo.”
"Santo Dyos! Sabi ra labi lang apat ding mete.”
Ding aliwang awang mengabuklat na la at myaliwa nong lupa ring tinando at mipamuge kabang myayaliwa nang satsatan ing mibusni.
King aslag ning aldo, a mangakung sumalang masalese, akakit mo king marayu ring sundalus a balabalangi, maliswas, anti mong matuling a yanino.
"Oyta pa ing metung a mete,” nganing metung a makatando.
“Metung . . .? Adwa la ring akakit ku.”
“At aku naman . . . Dapot makipusta ku e yu bahr man nung nanung milyari,” nganang kinutang ning metung a lalaking lupang malitun.
“Nanung ali . . .? Ding pulis! (Cuadrilleros).”
“Ay! ali! Megalsa la ring king kwartil!”
“Nanung megalsa? Ing kura laban king alperes?”
“Ali! e makanyan!” ngana ning kinutang. “Ding intsik ila ring megalsa!”
At kebat neng bigla ing awang na.
“Ding intsik?” ngarang mengapamulalang mikukutnanan.
“Inya pala e ka manakit metung mang intsik.”
“Mekad mete la ngan!”
“Inukul ku nang atin lang buring daptan a e mayap. Napun . . .”
“Anti ku na mong akakit. Nabengi . . .”
“Sayang na!” nganang Hermana Puti. "Paymate lang bayu Pasku kabang neng aldo yan mamye lang aginaldu ! O ba't e ra na penaya man ing Bayung Banwa?’
Ing dalan sasaya ya. Mumuna ring asu, manuk, babi, pati-pati, ding migmulang merakal. Tinuki la kareti ding anak a galut-galut a imalan a taid-taid. Ditak-ditak lelele la king kwartil. Kareti naman ding tinuki, mapilan lang matwang babaing makapanyu
