buntuk at makatali king baba. Magdala lang mangaragul
a rosaryu, kanwari mo mangadi la ba’rong palabasan ding
sundalus. Inyang atimalad dang milabas
la at é la mebaril, migmula no mang linwal ding lalaki
at e ra na pansing ing malilyari. Mumuna, keta la pamu
tulid dang bale, mamapis manuk, kaybat dayu-dayu la
at tuknang-tuknang la, at katatawlyan miras la rin tulid
ning kwartil.
Kaybat ning labing limang penandit minaliwa na naman ing balita. I’lbarra ampon ding utusa'na pignasan deng itakas i’Maria Clara at i’Kapitan Tiago pinIwalu ne, kasaup no ring gwardya sibil.
Ding mete e no labing apat, nune atlu nong pulu. I’Kapitan Tiago mesugat ya at ita mu ring aldo linuslus ya Menilang kayabe ra ding pamilya na.
Ing panyatang da ring adwang pulis (cuadrilleros) a mamitbit metung a kalapayan a maki lulan tau minye alinlangan a maragul. Inukul da ibat la king kumbintu. Uli ring adwa nang bitis a bibito ning atyu king kalapayan, pikukutnanan da nung ninu. Dakal no ring mamanula at kaniti mipatutwan ing lihim ning Santisima Trinidad. Kaybat mebanggit na naman ing milagru ring tinape at ding asan, at ding mete naman atlu nong pulu't walu.
Itang ume magpitu at kapitna ning bengi a datang la ring gwardya sibil a ibat karing aliwang balen ing mikalat a balita masala na karela.
“Ibat ku king tribunal at karin ikit kong presu di Don Filipo at Don Crisdstomo,” ngana ning metung a lalaki kang Hermana Pute. “Akasabi ke ing metung a pulis a makabante. I'Bruno, itang anak ning taung mete pemarug da, sinabi na ngan ing sabla nabengi. Anti mo ing kamalayan yu na, i’Kapitan Tiago pakyasawa ne ing anak na king metung a bayntaung kastila. Kaniti mesugat ya kapanamdaman i'Don Crisostomo at memali ya. Pignasa'nong paten ding anggang kastila, angga na ing kura. Nabengi liban de ing kwartil ampon ing kumbintu. Salamat na mu, lugud ning Dyos, ing kura atyu king bale nang Kapitan Tiago. Ngara daka'la ring miligtas. Ding gwardya sibil silaban de ing bale nang Don Crisostomo, at nung é rya mu agad dekap ya man sana dilukan de.
“Silaban de bale?”
