Aba! ika pala, e kasi mapanyalungat la naman? Aba...!”
E na balu ing ipakibat nang Hermana Pute kaniti, at salamat namu dinatang yang susunga at maputla ing metung a utusan at meputut ing pisasabyan da.
"Ating mebite keng mula ning siping tang bale."
"Mebite?” ngarang mitakuian ding sabla.
Ding babai mengurus la. Metung man alang mikimut king lugal na.
"Opu," nganang gagalgal ning utusan. “Manintun ku pung gule . . . Linawe ku king mula ning siping tang bale magkang atin la, ikit ke ing metung a lalaki yuyuyu na ning maynang angin. Bala'.ku pu i’Teu, ing utusan da a madatas babye Kaku . . . linapit ku ban kumang gule ... at ikit ku pu aliwa yang tau, inya milai na kung milai . . . at . .
“Lon ta ya,’’ nganing matwang lalaki kagna’ning tinikdo ya. "Muna ka.”
“E me pupuntalan . . .!” nganang sinyo Hermana Pute at tela'ne kamisa. “Madesgrasya ka ! Binitin dya? Lalung marck para kaya!”
"Pabustan mung akit ke, babai keka. Juan, munta ka king tribunal at ipabalu mu iti, pota e pa mete.” Minta ya king mula at tikya’ne ning utusan a sasalikut king gulut na. Ding babai at ing kabud Hermana Pute tinuki la kagulutan bista man tatakut la dapot buri reng akit. “Oyta pu,” nganing utusan, kabang tuturu ne king taliri na.
Katawan yang tau, makabitin king sanga na ning metung a santul, magyuyu yang makakalale pauli ning angin. Sinyasat neng mapilan penandit ning matwa. Ikit no ring mangasyas nang bitis, ding takde, ing imaJa'nang miburakan at ing makaduku nang buntuk.
“E ta ya dapat taginan anggang e la datang ding makiyupaya,” nganang sinabing masikan. “Masyas ne, malwat neng mete.”
Ding babai linapit lang makakalale.
"Ya ing kasiping bale a makatuknang ketang bale ita. Atin pa mung adwang duminggu king panyatang na keti. Lon ye ing byuk na king lupa.”
"Nwan a Birhen!” ngara ring mapilan a babai.
