ba'nong akit ding adwa nang anak a kambal, ding kabud
mung anak na.
Atyu naman karin ing katwanga’ning mamulut ungut, é ya tatangis, nune pasyal-pasyal yang makalislis takde-baru at kukumpas. Ala yang patugut didiskursu karing taung makatipun karin.
“Menakit na kong dapat a anti kanyan? Biru yung dekap de i’Andung ku, beril de, siksak de king pango at saka re pa idala king Buntuk-balen uli na mu ning bayu ya ing kalsonsilyu na? Kaylangan ipamali ing anti kanyan a dapat! Manabusu lang tutu ring gwardya sibil! Ini, susumpa ku ! Kabud menakit kung metung mu man karen a manintun king masikap nang lugal ning mula ku, anti mo ing madalas dang daraptan, akit yu, paglapakan ke . . . paglapakan ke . . . o akung paglapaka’na . . .1”
Dapot ditak la mu retang makyabe king pamanutul na ning morus a katwangan.
“I'Don Crisdstomo ya ngan ing maki kasalanan kanyan,” nganang mangisnawang saldak ning metung a babai. Ing guru ning pipagaralan metung ya naman karing atyu karin at gulu ya isip. I’Mang Juan man atyu karin dapot e na no dadala ring parundung na at panyukad. Maka imalan yang matuling uling e masanting ing balitang tinggap na at anti mong taung tapat maniwala king payntungul a mapalyari, pigpaldasa'na na ing kamataya'nang Ibarra.
Itang kadwa ning gatpanapun, ing metung a saken a makabuklat a kukulyutan ding adwang kabayung mula tinuknang ya arap ning tribunal. Pepadurutan de ring tau at buri reng lagpakan. "E yu daraptan yan,” nganang Kapitana Maria.
"Buri yung palakaran da la angga king Buntukbalen?”
Kaniti memigil la ring sapni ra detang mengarakap. Linwal la ring adwang-pulung sundalus. Pepatulugan de ing sakén, kaybat liwal do ring dakap.
I’Don Filipo yang mumuna, makatali ya. Pigaya' neng makatiman ing asawa na. I’Doray ginalanggang ya at. adwa la pa mung bante ring mekapigil kaya ba' neng é akaul ing asawa na. I'Antonio, ing anak nang
