Kapitana Tinay, linwal yang manangis anti mong anak
a malati at uli niti lalu lang ginalanggang ding karelang
sapni. I'Andung a luse, ginaleung ya kabud ikit ne ing
katwanga'na, ing mekapasari king keala’nang kapalaran.
I’Albinu man, ing mag-pari, makagapus yang kalupa ra ding
kambal nang Kapitana Maria. Deting atlung deti, é la bubulad
at mahalan la panaske. I'lbarra
yang tawling linwal, é ya makagapus dapot babanten
de ring adwang gwardya sibil. Maputla ya. Karing
makatipun karin manintun yang kakaluguran.
“Oyan ing maki kasalanan!” ngarang ginulisak ding dakal a siwala. “Yan ing maki kasalanan at ya pa ing é makagapus!”
“Ing manuyang ku ala yang depatan maka posas ya!”
Inarapa’nong Ibarra ring sundalus at ngana:
"Igapus yu ku, igapus yu kung mayap . . . pikitan yo ring kanakung siku.”
“Alang utus kekami.”
“Igapus yu ku!” Memintu la ring sundalus. Dinatang yang maka kabayu ing alperes at mitmu yang sandata. Antabayanan de ring apulu o labing limang sundalus pa. Ati’lu karin ding sapni ra ding mengarakap, kikyakan da la at panaguryan king pelalung malambis a lagyu. Kang Ibarra alang manaya metung man.
I'Mang Juan man at ing guru limbug la.
"Lon yu ing depatan yu king asawa ku at king anak ku! Oyan ing ana'ko, inulila ye kang Ibpa na!”
Ing sakit a panamdaman da ring sapni myalilan king mwa ra kang Ibarra a makadalum king kasalanan a ya ing maki pasari king kagulwan a milyari. Inutus ning alperes ing sumulung na la.
“Ika dwag kang tau !” nganang gugulisak kaya ning katwanga'nang Andung. “Kabang ding aliwa makipatayan la king uli mu, ika mo sasalikut ka!”
"Marok a tao!” nganing metung a matwa kabang tutukya'ne. "Maging sumpa sana keka ing gintung ali kum ning sapni mu a minye alinlangan king kapayapan mi! E map a tao! Marok a tao!”
