“Dapot . . . ing panaun? Ing bagyu?” ngana pang kinutang sunu ning metung. "E wari ing banwa yang maki kaburyan kanyan?”
"Agyang ninu mung manyakap asan aula’na yan I”
“Ngening ing sasakup ala yang balu . . . Sabyan mu kanaku nung makananu ya ing buntuk mu at sabyan ku keka nung makananu ne man ing bitis mu! Dapot akit yu rin, ding mikakaluguran mipamuri la at ding pahayagan ditak na mu adwan da na ing misulud ya king buntuk nang Padre Salvi ing maragul nang tanda ning obispu . . .”
“At mibye yg kaya . . .! O sisipsip yae. . .!"
“Paniwalan mo?”
“Ba’t ali? King panaun ngeni agyang nanu mung depatan mu, ibye re! Atin kung balu, kulang pa kanyan ing depata’na binye re. Sinulat ya mung alang kaka-kabaldugan a aklat nung nu na mu sinabi king ding indyu ala lang balu nung e mu magpatukituki . . . che ! Matwang tigtigan!”
“Yang tutu, ing pamanyaptan dang ala king matulid makasirang maragul king relihyon!” nganang sasyo ning metung. “Nung atin lang mata deng kapotang susulud da at akit da la mu laman kilub ding bikanbuntuk.”
“Nung ding kapota bandi na la mu ning naturaleza,” ngana naman ning metung king siwala nang lulwal king arung, " ‘Natura abhorret vacuum . . .’ "
“O inya naman deng kapota kakabkab lang mayap, o ala lang laman ding buntuk a magdala agyang makananu aldukan do ring makasulud,” nganang mekibat ning metung.
Iti at aliwa pang salita ya ing mararamdam karing kumbintu. At ngeni naman, mal ming babasa, adala ra kayu king aliwang karinan ban kanita naman maliwa ko panlasa. Ipanik da kayu king bale na ning metung ta nang kakilala, i'Kapitan Tinong, ing byasang tanggap dalo, itang ikit tamung matalik managkat kang Ibarra ba'neng parangalan king panenaya’nang pamandalo na.
Ketang maragul at maliwalas nang bale karin Tondo, akit ta yang makapaynawa i'Kapitan Tinong king metung a maragul a luklukan. Apisa’ne ing kanwa’na at ing kayang tundun, balamu wari matamle ya
