panaske, kabang ing maki bale na, i’Kapitana Tinchang,
kikyak ya at arala’ne arap da ring adwa nang anak a
babaing alang bulad magumasid king metung a suluk,
mangatilihan at manamdaman.
"Ay! Birhen ning Antipolo!” nganang ngungulangul ning babai. "Ay! Birhen ning Rosario at ning Correa! Ay! ay! Nuestra Sefiora de Novaliches!"
"Inang . . .!” ngana ning anak karing adwa nang dalaga.
"Ya nang sasabyan ku yan ! nganang tinuglung ning babai anti mong mamalsala. ‘Yan, ing sasabyan ku keka ! Ay! Birhen del Carmen, ay!”
"O king ala ka mang sinabi kanaku,' nganang mamwangit mekapakibat Kapitan Tinong. "Bagkus pasiknangan mu ku pa lub ba'kung dala.. Marne kata kang Kapitan Tiago at makikaluguran ku kaya uling... uling . . . makwalta ya ... at ngamu pa . . .”
"O nanu . . . nanung sinabi ku? E ku sinabi yan, ala kung sinabi! Inya nung pekiramdaman mu ku mo!"
"Ngeni aku pa ing palsalanan mu !” nganang mekibat mengisnawang saldak at saka ne timpa king palad na ing guyabna’ning lukluka'na. "E mu sinabing ustu ing depatan ku inyang inanyahan keng mangan keti bale uling ngamu mabandi ya at e ta sukat makyabyayan nune mu karing makwalta? Aba!”
"Tutu, sinabi ku ita uling ala na kung akarapat keka, é me patugutan pupuryan . . . i’Don Ibarra keni, i’Don Ibarra keta ... at Don Ibarra pa nu man karing lugal, abah! Dapot e ku inusuk kekang pakikitan me at pakisabyan ketang pulung a ita. Yan, e mu alingad kaku!”
"Kamalayan ku waring munta ya karin?”
"Kaylangan ing balu mu!”
"Makananu? E ke pa kakilala man kanita!”
"Kaylangan ing bayu pa sa kanita, akakilala mu na!
“Dapot, Tinchang, o king kanita ke pa ikit, kanita ke pa dimdam pisasabyan da!"
"Kaylangan pin sana ing akilala mu ne bayu pa kanita, abalitan mu neng pisasabyan da, uli na nyan lalaki ka, ikang makapantalun, at babasa ka pa mong
