lig a pepasari ning kayang pamikasala. Mipatunayan
king ding kasulatan a meyakit king bangke palsipikadu
la, ding sulat gamat kalupa ro ding sulat ning Ginung
Ibarra keta pang pitu nang banwang milabas, dapot
e ro kalupa ring ngeni, at mapapaniwala king pilikasan
dya mu iting sulat a ngeni magbintang. Maygit pa
kanita, sasabya'ning talapaglwalu ing ating marapat
para kaya; dapot iti inyang akit ne ing sulat menimutla
ya, megutgut a pamisip at pepatutwa’na itang karin
makasulat.”
"Sasabyan yu,” nganang kinutang ning pransiskanu, "king miparala ya itang sulat king metung a babai, makananu yang miras king gamat ning piskal?"
Ing tenyente e mekibat; linawe ne sinaguli i'Padre Salvi at saka ya dinayu, maligalig nong papalipit ding malai rang sepu ring balbas nang ume muti, kabang ding aliwa myayaliwa la pisasabyan.
“Mayayakit ya karin ing gamat ning Dyos ! ngana ning metung, "pati ring babai kasaman de.”
"Pepasilab ne ing kayang bale, mimisip mikabyus ya, dapot e ro pekibalak ding aliwang tau, anti mo, alimbawa, ing babai,” nganang mayling tinuglung ning aliwa. "Ya na ing gamat ning Dyos ! Santiago, ikabus me ing Espanya!”
Ketang penandit ing matwang militar mitan ya king kayang lakad at lepita’ne i’Maria Clara a makirandam king pisasabyan, alang kimut king kayang luklukan: lalam nang bitis mayayakit la ring bulaklak a abalag na.
"Ikayu metung kong dalagang binang maingat," ngana ning tenyente king maynang siwala. "Mayap ing depatan yung binye yo ring sulat . . . Kaniti makabitasa kekayu ing tahimik a paintungulan.”
I'Maria Clara lalwa’neng dinayu ing matwa karing matang makapamulala at kiketa'no ring kayang labi. Salamat na mu dinatang ya ing Darang Isabel. I'Maria Clara mikaganap yang sikanan ban talan king bestido na niti.
"Tiya!” nganang sinitsit. "Ninanu ka?” nganang kinutang magmulala ning dara inyang akit ne lupa ing dalaga.
