nung ita marapat mapilit yang ibulalag na ing kakung
pangatau agya'mang mika maragul a eskandalu, uling
i’igpa ku ya i. . .
At sinitsit ne king balugbug ning baintau ing metung a lagyu king siwalang binang mayna at iti ya mu ing mekarandam.
"Nanu ing kakung daptan?” nganang migsundu ning babai. Dapat kung ipailalam king kakung kapalsintan ing katandana'ning kakung indu, ing dangala'ning e tune kung igpa at ing mayap nang lagyu ning igpa kung tune? Malyari kung daptan ita at ika kabud é mu ku palkaran?”
"Dapot, kaustan, atin kang kaustan? Kaylangan mo ring kaustan!” nganang meliswas Crisostomo.
Ing dalaga kinwa no king kayang salu ding adwang papil.
"Adwang sulat ning kanakung indu. Adwang sulat busal ning kayang pamagkakasakit kabang darala na ku king kayang sepupunan 1 Kwanan mu la, basan mu la at akit mu nung makananu na kung susumpa at pagnasan ing kakung kamatayan . . . ing kakung kamatayan a ing kakung igpa meyala mung ulagang pagpilita'na king kapamilatan ding panulu ! Deting sulat akalingwa'na la ning kakung igpa king metung a bale a nung nu ya tinuknang, iting taung minyabi kanaku atupa’na no man at sininup na la. Binye na la kanaku libe na ning kekang sulat . . . ban abitasa na, agpang kaya, king aku é ku makyasawa keka nung ala yang kapaintulutan ing kanakung igpa. Ibat ketang darala ku la libe na ning kekang sulat, darandaman ku na ing dimla babo ning kakung pusu. Pepainggulutan daka, pepainggulutan ku ing kakung kapalsintan . . . Nanu ing e na daptan ning tau king uli ning indung mete ampon ding adwang igpang mabye? Isipan ku wari ing makanyan deng gamitan ing kekang sulat?”
Mipatingangas ya i’lbarra. I'Maria Clara nganang tinuglung:
"Nanu pa ing makatagan kanaku? Malyari ku kayang sabyan keka nung ninu ing kakung igpa malyari kung sabyan manyawad kang kapatawaran kaya, yang pepasakit e mu nanu king keka? Malyari ku kayang sabyan king kanakung igpa king patawara’na ka, sab yan ku king aku anak na ku, yang e mu nanung mignasa
