king kakung kamatayan? Ing makatagan kanaku ya
mu ing mibata, misinup king lihim, at mate magkakasakit! . . .
Ngeni, mal kanaku, ngening balu mu na
ing malungkut nang milabas ning kalulu mung Maria,
malyari me pa kayang pakyarap kaya ing timan mung
mamalkara?”
"Maria, metung kang santa!”
"Matula ku ngening panwalan mu ku . . .”
"Makanyan man,” nganang tinuglung ning baintau at menaliwa yang tonu siwala, "dindam ku ing makyasawa ka . .
"Wa,” nganang sisiguk ning dalaga. "Ing kakung igpa yadwa’na keka iting pamagpakasakit ... ya ligura na ku at binyagan, at ita é na tungkul. Bayaran ku kaniti itang utang ku kaya, bitasan ku ing kayang kapayapan king kapamilata’niting bayung pamikamaganak, dapot . . .
"E ku kalingwan ing simpa kung katapatan keka.”
"Nanung isipan mung daptan?” nganang kinutang Ibarra at lalwa’na karing mata nang Maria Clara ing pakibat.
"Ing paintungul malabug at ing kalma atyu king kadalumduman ! E ku balu nung nanu ing daptan ku; dapot buri kung abalu mu king misan ku mu malsinta, at nung alang kapalsintan, kapilan man é ku maging kaninu man. At ika, nanu ing malyari keka?”
"Metung na ku mung tatakas king sukulan . . . dumayu ku. Kilub ning malagwang panaun mabalu ing pamanakas ku, Maria . . .
I'Maria Clara telana'ne buntuk ing baintau karing adwa nang gamat at inumang ulit-ulit karing labi, kinaul ne at kaybat saka ne tepus.
"Tumakas ka, tumakas ka!” ngana kaya. Tumakas ka, Adyos ! "
I’lbarra linawe ne i’Maria Clara karing matang kikislap, dapot king metung nang sinyal niti, ing baintau dinayu yang malasing, mikakunu ....
Lipata'neng myuman ing bakud at sinake ya king bangka. I'Maria Clara, makatalan king timira’ning asotea, lalwa'neng dinayu.
I'Elias miglako yang kupya at memuge yang banayad.
