king uli na: ita metung a bage. Mananung ing keala’
nang kalma ning kakung balen ya ing kakung maging
kealan kalma, at anti na ning e na katamu pianib ning
metung a suging panandam, pauli ning é la titibuk ding
kekatang pusu king metung mung lagyu, karin mu
mang kakung kabalen yagum na ku ning milulupang
kealan palad. Kyakan ku mu man kambe ra ing kekang
kasakitan, ing milulupang kasawian paraya’no ring
kekeng pusu!”
“Nung makanyan, baket yusuk yu kaku ing mako?”
"Pablasang king aliwang karinan malyari kong tumula at aku ali ku; uling ikayu e ko mibait ban magkasakit, at pauli ning pikasaman ye ing kekong balen nung misan a aldo akit yung king uli na meyala kong kalma. At ing mika sama king kayang balen ya ing maragul diling kealan kalma.
"Bina yu kung pagkamalyan !” nganang minyabing Ibarra king mapait a pamamalsala. “Akalingwan yu king ya pamu ing panyatang ku keti pigmulan ku nang pinyangyan ing kayang ikakayap . . . .”
"E ko manandaman, ginu; é ra ko pamalsalanan. Mananu sanang ding malda ayapusan da kayu! Dapot é ku adwan kekayu itang alang kapalyaryan, at é yu panandaman nung sabyan kung lilili na ko ning kekong pusu. Kaluguran ye ing kekong balen pablasang ing kekong igpa makanya'na kong tiru. Kaluguran ye uling keti atin kong kapalsintan, pibandyan, kayanakan, uling ing sabla titiman kekayu, ing kekong balen e na ko diptananan nanu mang e mayap. Kaluguran ye anti mo nung makananu tamung kaluguran ing sablang patula kekatamu. Dapot king aldo akit yung kalulu kayu, danupan, gigipitan da. bibintanganan at pisali ding kabud kekong kabalen. king aldo ita sisyan yu ing kekong sarili, ing kekong balen at ding sabla.”
"Ding kekong amanu panasakitan da ku,” nganang manandaman Ibarra.
Beba ne ing buntuk nang Elias, mimisip ya at nganang mekibat:
"Ginu, nasa ku ing ayaliwa ra ko kapaniwalan at aligtas king metung a malungkut a paintungulan. Atatandanan yu pa ketang misan a pakisabyan da kayu king kabud bangkang iti at aslaga’na niting kabud bu-
