at ing bante malyaring pagmulala’na nung baket adwa
tamu."
Ing bangka metung ya karetang malati at makitid a saken a e lalakad nune lulusad babo ning danum.
Anti mo ing inisip nang Elias, tiknang ne ning bante at kitnan nung nu ya menibatan.
“Ibat ku Menila ban magdalang sakate karing ukum ampon karing kura,” nganang mekibat makyapus king tonu ring taga-Pandakan.
Ing metung a sarhentu linwal ya at pekibalwa’na ing malilyari.
"Sulung!” ngana kaniti,” panabilin ku king ala kong tatanggapan king bangka; ing metung a presu mekatakas y'a. Nung arakap me at adala kanaku dinan dakang mayap a paragala.”
"Mayap pu, ginu; nanu la ring kayang sinyal?
Maka amerikana yang makaba at manyabi yang espanyol; uli niti mimingat ka!”
Ing bangka dinayu ya, I'Elias ginulut ya at kabang mirarayu ababatyawa'neng makatalakad ing bante lele na ning pampang.
“Kabatingan tang mapilan penandit,” nganang minyabi king maynang salita, “dapot tamung lungub king ilug Beata ban isipan da ing aku taga Pefiafrancia ku. Akit ye ing ilug a kinta nang Francisco Baltazar karing kayang kasulatan.”
Ing balen matudtud ya lalam nang sala ning bulan. I'Crisostomo tinalakad ya ban pagmulala’na ing katahimika’ning ketawan. Ing ilug makitid ya at ding pam pang na patag lang mitamnan sakati.
I'Elias belugse na ing darala na king pampang, inabut ne ing makabang dutung at kinwa no lalam ning dikut ding mapilan a bayung a alang laman at sindu na ing pamamagse.
"Ikayu ing ginu ning kekong sarili ampon ning kekong paintungulan,” ngana kang Crisostomo a ma natiling tahimik. “Dapot nung paintulut yung manyabi kung ditak, sabyan ku kekayu ing Ion yung masalese ing kekong daptan, palablaban yu ing labanan, pablasang atin kong salapi, buntuk, at king malagwang pa-
