naun manakit kong dakal a kayabe, king kakulangan
kalma daka’la ring maliswas manyanging kasngawan.
Subali pa, keting labanan a kekong pagmulan, ding
lalung misakitan ila ring alang akarapat ampon ding
alang malit. Ding kabud panandam a atin pamung pabulan midala kaku kekayu at manyawad kapanumanan, ila kabud ngeni ring mumutus kaku ban sabyan
ku kekayu ing mibalak kayu. Ing balen, ginu, e na
nasa ing kalilwa king Indung Espanya; ala yang adwan
nune ditak mung katimawan, hustisya, ampon lugud.
Tukyan da kayu ring maligalig a bye, ding kriminal,
detang ala nang akarapat, dapot ing balen magpatumbalag ya. Magkamali kayu nung ngening akakit yung
malabug ing sabla, isipan yung ing balen ala neng
kapanayan. Ing balen magkasakit ya, wa, dapot makanyan man, manaya ya pa, maniwala, at talakad ya
mu ban maglwalu king kayang katuliran potang mimi'ne kapibabatan, at ita ya ing potang makanya’na
ing buryan ding mamahala. Ita marayu pa. Aku kabud
e ra ko tukyan; kapilan man e ku gumamit karing tawling paralan kabang manakit ku pang kapanayan ka
ring tau.”
"Nung makanyan sumulung kung e ra ko kayabe!" nganang mekibat matatag Crisostomo.
"Yan ya na ing inari yung alang pangakabla?”
"Alang pangapildis at ya na ing katatawlyan, saksi ing banal nang katandanan ning kanakung igpa ! E ku paburen mung makanyan ilako ra kaku ing katahimikan ampon ing kakung tula, akung alang pignasan nune mu ing mayap, akung migalang king sabla at migkasakit pauli ning lugud king metung a relihyon a mapagkanwari, king uli ning lugud king metung a balen. Makananu kung miyablasan? Bildug da ku king me tung a sukulan ding muslak at seianta re ing paintungul kung maging asawa. Ali! nung e ku mamali metung a kapagpabayan a kriminal, iti pasiknanga’na la mu lub ding mangarok ban gawang bayung kapaslangan! Ali, isakwil ing telotyan, ing kamangmangan; e dapat daing at tumangis ngening atin pang daya at bye, Ka bang king pasakit at king amun yabe rang tatampaling kekatamu ing palkara! Gisingan ke yang balen a alang malit, pakit ku kaya ing kayang kasawian. E ya dapat misip makikapatad; ala nune mu lobung manasan, at sabyan ku kaya king laban keting kapagmasikampw.an
