a salamin. Ing bulan lalabug ya at ing aslagan mikukulayan yang rosas. King makarayung bagya, ayayaninagan de ing metung a bage malabug a lalapit makakalale.
Ing palua daratang ya,” nganang bubulung Elias. "Magkera kayu at takpan da kayu karening saku.
Ding aske ning saken sasala la at makikilala.
"Magbili ya pilata'ning pampang ampon itamu,” nganang balisang minyabing Elias, at makakalale neng inaliwa lakad ing kayang bangka, memagse nangun Binangonan. King maragul nang pamagmulala, ing pallia manaliwa ya namang lakad, kabang ing metung a siwala gugulisaka’ne.
I’Elias tinuknang ya at mibalak. Ing pampang marayu ya pa at saguli na mu malyari da nong dasan ding balas dang baril ding king pallia. Inisip na ing magbalik Pasig; ing bangka na masalusu ya kesa king pallia. Dapot, kealan palad! ing metung pang bangka manibata’ne man king Pasig, at mayayakit lang kikislap ding kapasate at bayoneta ring gwardya sibil.
"Merakap tamu !” nganang minyabi at menimutla.
Linawe no ring mangaragul nang takde at inari nang daptan ing bukud nang makatagan a malyaring marapat, migmula neng memagse masikan papunta king Isla de Talim. Ketang penandit, saslag ne ing aldo.
Ing bangka daragus yang masalusu king danum. I’Elias ikit no king paluang kanita magbakidkid ding mapilan lalaking makatalakad at pepepe kaya.
"Balu yeng palakad ing bangka?” nganang kinutang kang Ibarra.
"Wa, baket?”
"Uling marakap tamu nung e ku luksu king danum at ilili ku la. Ila tukyan da ku, makakawe ku at makasungab masalese . . . idayu ko kekayu, at kaybat pagpilitan yung aligtas ing sarili.”
"Ali, e ko mamako, at pabayad tamung mal ing kekatamung bye!”
“Sayang mu, ala tang sandata, at karing pusil da pamaten dakatamung anti mong mangalating ayup.”
Keta mu ring penandit merandam ya ing metung a salitsit king danum anti mo ing pangagpa na ning metung a bage mapali a tikya'ning masikan a akbung.
