dapot ngening mete ya, ala na kung sangkan ban mye
pa at magkasakit!”
Iti sinabi nang makakalale, king maynang siwala, panatag, at alang Iwa.
“Danot, tonta, e wari i’Linares mayap yang libung ukdu kang . . .?"
“Inyang mabye ya pa, malyari kung makyasawa . . . kaybat isipan ku ing tumakas . . . ing kanakung igpa ala yang buri nune mu ing pamikamaganak ! Ngening ya mete ne, alang aliwang mano kakung asawa. Inyang mabye ya, malyari kung magpakarok, mitagan pa kaku ing tulang balu kung mabye ya at mekad isipa’na ku; ngening mete ya . . . kanaku ing kumbintu o ing kutkutan.
Ing siwala ning dalaga ating e mu nanung tetagan inya kang Padre Damaso meko ing suyung masaya at mibalakbalak ya.
"Tutu me waring palsintan?’’ nganang sinitsit kukutang.
I’Maria Clara e mekibat. . I'Padre Damaso diku ne ing kayang buntuk saka ya misipisip.
“Ana'ku! ngana king siwalang sinabalbal, “patawaran mu ku pauli ning apalungkut da ka e ku balu. Isipan ku ing kekang paintungulan, pagnasan ku ing kekang ligaya. Makananu kung apaintulutan ing makyasawa ka king metung karing tubu keting balen ba'ra kang akit asawang alang tula at indung sawi? E ku alako king kekang pamisip ing kekang kapalsintan, at sinalansang ku king sabla kung kagiwan, semantalanan ku ing sabla king uli mu, king uli mu mu. Nung maging asawa na ka, kya’ka bandang tawli pauli ning bili ning kekang asawa, milantad karing sablang ligalig at ala kang panyagka. Anti mong indu, kyakan mu ing maging kalma ring kekang anak: nung papagaral mu la, sasadya me wari karela ing malungkut a paintungulan; maging kasalang no ning relihyon, at akit mong mangabite o mipaugse karing aliwang karinan. Nung paburen mong manatiling mangmang, akit mong pasakitan da ampon maging sawi! Ita e ku apaintulutan ! Uli niti penintun ke para keka ing metung a asawang agawa na kang indung matula ding anak a mumutus a e talatuki, anak a mamarusa at e magkasakit. Balu ku king ing kepara mung anak mayap ya, buri ke
