at anti mu rin ing kayang igpa, dapot pikasaman ku la
ibat ketang ikit kung ila pasari ra ing kekang kealan
tula, uling kaluguran da ka, sasamban at pakamalan
anti mong tune anak. Ala kung aliwang lugud nune
mu ing keka. Ikit da kang dinagul, alang linabas a oras
a e ra ka isipan. Darala ra ka angga karing kakung
paninap; ika mu ing bukud kung tula . . ."
At ing Padre Damaso kinyak yang anti mong metung a anak.
"Nung makanyan, nung kaluguran yu ku, e yu ku paburen masawing alang kapupusan. Anti ning ya ala na yu, buri ku na ing maging mongha !”
Ing matwa selu ne ing kayang buntuk king kayang gamat.
"Maging mongha, maging mongha!” nganang mb nulit. "Ika e mu balu, anak ku, ing bye, ing lihim a makasalikut gulut ding pader ning kumbintu. Ika e mu balu ! Buri ku pang libung ukdu ing malungkut ka king yatu kesa king ati'ka king klaustro . . . keti ring kekang dalung malyari lang marandam; karin ala nune mu ring pader . . . Ika malagu ka, misna kang kalagu, at e ka mibait para king klaustro ban maging esposa nang Kristo! Paniwalan mu ku, ana’ku, ing panaun kalisa'na ing sabla. Bandang tawli mangalingwan ka, malsinta ka, at aluguran me ing kekang maging asawa . . . i'Linares.”
"Ing kumbintu . . . o ing kamatayan! nganang minulit Maria Clara.
"Ing kumbintu, ing kumbintu o ing kamatayan!” nganang mipasyo Padre Damaso. “Maria, aku matwa na ku, e ra na ka apagmasakit makabang panaun ampon ing kekang kapayapan . . . Mamili kang aliwang bage, manintun kang aliwang kapalsintan, aliwang kayanakan, agyang ninu pa, e mu sa na ing kumbintu.”
"Ing kumbintu o ing kamatayan!”
"Dyos ko, Dyos ko!” nganang sinyo ning pari, tikpa’ne ing buntuk na karing kayang gamat. "Ika perusan mu ku, e na bala! Dapot pagmasakit me ing ka kung anak! . . .”
At minarap ya king dalaga:
"Bisa kang maging mongha? Ita ya ing marapat; e ku buri ing mate ka.”
