dalaga, "at saka ka saling maski nanu mu karing wali
mu uling Pasku ngeni.”
"Labentador, aku buri ku labentador, nganang gugulisak ning lalaki.
"Aku, naman, isali meng buntuk ing munika ku,” nganing babai kabang kukulyuta’ne tapis i’atsi na.
"0 ika, naung buri mung pasali?” nganing ingkung kang Basilio.
Iti tinikdo yang magkakasakit at lepita’ne ing matwa.
"Ginu, ati'nang pabulan ngeni king pangasalun ko?” ngana.
"Ibat inyang atuklasan da kang alang male-tau at mitmung sugat, adwa nong bulan ding linabas. Balamu kanita e ka mye ..
"Ing Dyos pu ablasa'na kekayu iti, uling ikami pu maluka kami mu,” nganang Basilio. "Anti na pu ning Pasku ngeni, bisa kung muli king balen ba'keng akit i'inang ku at ing kapatad kung anak kaku. Malyari pung panintunan da ku.”
"Dapot, bungsu, e ka pa mayap at marayu yang bina ing balen mu. E ka miras kapitangan bengi karin.” "E pu bala, ginu. Alang sala pung i'inang ku at ing wali ku magsalbat la kaniti. Banwa-banwa pu pagmasusyan ming myabe king aldo iti . . . Banwang metung ikeng atlu pisulu mya ing metung a asan danum .. . I’inang ku pu malyaring kikyak yang manintun kanaku.
"E ka miras mabye king balen, anak. E ka pa mamako. Ngenng bengi mangan tang manuk at pindang babing dikut. Panintunan daka ring ana'ku panuli rang ibat king marangle ..."
"Iko pu dakal ko anak. Kang inang ku adwa kami mu. Marahil pu inukul na mete na ku 1 Ngeni pung bengi buri keng atdanan tula, metung a aginaldu . . . ing metung nang anak !”
Mengalwa ya ing matwa, tela'ne buntuk at manamdama'nang sinabi:
"Balamu matwa na ka! Nung makanyan, ume na ka, ayan mu ne i'inang mu, ibye me ing aginaldu nang ibat . . . king Dyos, anti mo ing sinabi mu. Nung abalu kya mu ing balen mu inyang mabayat ka pa pa-
