lupa i'inang na. Dapot ing asbuk na e ne kikimut at
ding mata na e no bisang mibusni.
Lalwa’neng misdan Basilio. Pekiramdama'ne ing pusu na dapot ing lanta nang salu marimla ne at ing pusu e ne titibuk. Pitda no ring labi na karing labi nang Inang na at alang pangisnawang daramdama’na. Kinaul ne ning alang kalma i’inang na at layun yang menangis mitmung pait.
Ing bulan makaslag yang masala, busal detang malino biga, ing amyam lilipo mangisnawang saldak, at king malabung a dikut daralit la ring lipaktung.
Ing bengi ning sala at kaligayan karing keraklan
a anak a magsaya king sepupuna ning balang sapni ba
rang ganakan ing mayubung milabas; ing kapistan a
paganaka ketang minunang diling lugud a mipabal keti
sulip, kanyang kabengyan a yan a nung kapilan ding
sapning maniwala kang Kristo, mamangan la, daralit,
teterak, miminum, sasagakgak, myalung, mikalugud,
mipanuma . . . yang kabengyan a maging bengi na ning
sablang mala karing anak da ring aliwang bansa, makapatulug king tanama'ning Pasku a mamayutputan
sulu, munika, myaliwang pyalungan, pakislap a makapamulala rang lalon ding matang alang malit a ma
ging salami’na ning kalinisan yang kabengyan a yan
ala yang binye aginaldu kang Basilio mine mu ing pamangulila. Ninung maki balu? Mapalyaring king bale
nang Padre Salvi, myalung la naman ding anak at mekad daralit de ing:
Daratang ya ing Nochebuena,
Ing Nochebuena mamako ya . . .
Tinangis yang masakit i’Basilio ketang benging ita
at inyang tinalanga ya, ikit ne siping na ing metung a
lalaking lalawe kayang e bubulad:
"Ika ing anak na . . .?”
Tinangu ya i’Basilio.
"Nanu ing ukulan mung daptan ngeni . . .?”
“Ikutkut ke . . .!”
“King kamposanto .. .?”
“Ala ku pung pamayad, subali pa king e na ipayntulut ning kura . . .”
"Nung makanyan ...?’’
"Mayna kung tutu,’’ ngana ning taung e na kakilala a mitalpak makakalale king gabun. "Mesugat ku, ati'
