ning duldul, dinalan nang ukdu kinabias, mebating king
marayu, kanita mararandam ing dalung ning malimpuyut a myasiwas king uran, makapauli king alang
patugut a trak-trak karing kapis ding pakakabat a
awang.
Ating adwang bante manintun salilungan king metung a edipisyong tatalakad da malapit king kumbintu: ing metung sundalus ya at ing kadwa metung yang distinguido (mapya).
"Nanu ing daptan ta keti?” ngana ning sundalus, "alang lalakad king dalan . . . dapat katang munta king metung a pibalebale. Ing babai ku tutuknang ya king dalan Arzobispo.”
"Ibat keti angga karin misnang kalaut, mabasa kata,” nganing mapya.
"E na bala, e kata mu sana mituturan king duldul. ’
"Bah, e ka migaganaka; ding mongha dapat lang ating panyabat king duldul ban e la numanu.”
"Wa," nganing sundalus, "dapot, nanung ulaga na nita ngening ing bengi misna king kadalumdum?”
At tinas na ing paglalawe king makababo ba'nang Ion ing dalumdum. Ketang penandit a ita kinislap ulit-ulit ing kildap a tikya'ning masikan a duldul.
“Naku! Susmariosep!" nganang sinyo ning sundalus a mengurus at ginulyut king kayabe na, "mako kata keti!"
"Nanung malilyari keka?”
"Mako tana. Mako kata keti! nganang minulit, mingingitngit a ipan king takut.
"Nanung ikit mu?”
“Metung yang pantasma!" nganang bubulung at gagalgal.
"Metung a pantasma?”
"Babo na ning atap ... ! Mekad metung yang monghang manyaklut uling busal ning kabengyan!”
Ing mapya sinungo ne ing kayang buntuk at bisa yang manakit.
Kinislap ya ing metung a kildap at ing api niti ginulis king banwa at merandam ing makatakut a duldul a memaksing.
"Hesus!” ngana namang mengurus.
