kakatawa'ning kapamahalan, at inawad na ing makipagsalitang malagwa king abadesa(1) at Iwa’na la ring
sablang mongha.
Sasalita ra king ing metung a mongha linage ya, mabasa at gisi-gisi imalan, at manangis, sinabi na ing makahale merapat kaya; inawad na ing pamagmasakit ding tau laban king katampalasanan at pamagkakanwaring malilyari karin. Sasabyan da naman ing itang mongha misna yang kalagu, ati'lu kaya ring palalung malagung matang meyakit na.
Ing pekakatawa’ning Kapamahalan e ne pekirandaman ita. King abadesa ya mekipagsalita, at itang kalulu pepayngguluta'ne kambe retang Iwa na at pamanigapu. Itang kayanakan a mongha ikit neng mikabat ing pasbul pamaglwal nitang lalaki, anti mo ing metung a miyatulan potang akit neng mikabat kaya ing pasbul ning banwa, nung mamisanmisan ing banwa maging masangil ya't maklak anti mo ring tau. Ing abadesa sinabi na king itang mongha metung yang mesira pamisip.
Ing tau mekad e na balu king Menila ating santungan karing memulang, o mekad ukula’na king ing kumbintu ring mongha metung ya mung karinan ding mamulang. Mipagkanwari king itang lalaking dinatang karin bina yang alang malit, lalu na king pamanulingid nung ing metung a tau masalese ya isip o ali.
Sasabyan da naman king ing General, Ginung J. .... minalak yang makayaliwa inyang itang bage miras ka ring kayang balugbug. Pignasa’neng pagmasakit itang monghang mamulang at pekidwang ne.
Dapot kaniti ala nang linto malagu at kalulung dalaga, at ing abadesa e na pepayntulut ing Ion de ing claustro(1) a ngana babawal ning relihyon at ding banal a kautusan.
Dikil king milyari ala nang mesabi pa, at makanyan mu naman dikil king kalulung Maria Clara.
___________
1 Pamuntuk ning Monasteryo ding mongha.
1 Dake ning Monasteryo ding mongha a nung nu la manatili o matudtud deti.
