samban bubulung, susumpang mablas at potang atin
yang arakap karing munisilyus o kaya metung karing
utusa’ning cura, pabarug ne at pabaldi na ing
baldosa ning kwartil da angga na ing bale na nung inya
mu Juminis ya uli niti. At potang papamayara'neng
multa ning cura pablasang mebalam ya sabya'na ing
sangkan. Tahimik nang pakiramdaman ning cura ing
sabya'ning utusan king pangabalam na, at kaybat nong
pemulsa ding tinggap nang multa, pabulus no ring
tupa na't kambing ba'rang sibsiban itang dikut king
hardin ning alferez kabang mimisip yang aliwang
sermun a lalung makaba at makabaldugan. Makanyan
man ing malilyari, potang mikit la masaya lang
mitatalanan gamat at magalang lang mipagsalita.
Neng patudtura’ne ning ininum nang alak ing alferez o kaya neng malakak yang ugtung aldo at e ne abungilan Dona Consolacion, ing dapta'na niti isulud ne ing kimona nang pranelang asul, isubu ne ing maragul nang tabaku at manandawa’nyamu.
I’Doña Consolacion e no apibata ring kayanakan Ibat ketang awang na, pagumasda’no’t tatantwan ding anak a babaing lalabas a tatakut kaya. Inya kabud atiglapan de king awang e ra balu nung makananu lang tiplad at e re alawe man. Dapot i’Doña Consolaci6n atin nemang makapasubaling kayapan — e ne lalon ing lupa na king salamin.
Den ila ring masikampung sasakup king balen San Diego.
