Lulwal ne king sementeryu ing matwa inyang king tulid ning pasbul tuknang neman ing metung a saken a lupang marayu penibatan uling sapak yang alikabuk at ding kabayu pawasan la.
Kinuldas ya i'Ibarra abe ne ing meeting a utusan. Pepalakwa’ne ing saken, linub yang alang bulad at dit’man alang saya lupa.
"King uli ning pangasalunan ku at ning dakal kung daraptan e ku ikwang mekapagbalik,” nganang mikakunu ning matwa. "Sabi nang Capitan Tiago ya na ing balang patalakad pantyun, dapot karetang bulaklak aku ing mitanam at ginawa kung krus. ..”
E mekibat i’lbara.
"Karin, gulut na nitang krus a maragul, ginu,” nganang tinuglung ning matwa kabang tuturu ya king metung a suluk kalub da king pasbul. I'Ibarra, pauli ning dakal nang isipan, e no apansing ding taung mengasdan inyang ikit de at akilala. Melaus dang tiknang ing pangadi ra at lalon deng makapamulala.
Mimingat ya king panakbang na i'Ibarra at panginlaga'no ring aun a aulata mu uli ning magbabang gabun babo ra. Ketang minuna dadamusaka'na la, ngeni igagalang na la. I'igpa na metung ya naman karetang paynawa na! Tinuknang ya inyang miras ya sumangid ning krus at miglalawe ya misusumangid. Ing matwang abe na metilihan ya at megulu isip. Manintun yang bakas king gabun at nu man karin e ya manakit krus.
"Keni ata..nganang bulung-bulung. “Ay! ali,
banda karin, dapot ing gabun balamu mekimut. ”
