"No abuloyan yoak," kuanto, "onlaak ed báley ta ipanon kod kinen anak ko; agko la nasabi lábi."
Sikato yay nanpaknaan da, tan inmakseb lan tampol si Anakbanwan Tales. Anggapo balet ta kapaway tod barrio, awandagan tod sakey a basbas na dalan a mamaarap ed utel na takel imay párin hacendero tan sakey a lakí ya abirbir ton samay anamsam na dálin to. No panoy petang na uló tan imon na sakey a lakin anengneng toy asawa to ya onloloob ed sakey a maamot a silir a kaulop toy sananey a lakí, aliwan saginunor so alikna nen Anakbanwan Tales ed impakanengneng tod saraman a duaran katao ya mamapaarap ed saray dálin to, saraman a dálin a pinapalaspasan ton tinutungeran, pinapalinan tan binabaka to, tan inisip ton nayarian ton nipatawir ed saray ának to. Say impakanengneng to so balbalawen da tan elekan da manlapod anggapoy nagawaan to; anunotan toy imbaga to ya "agko ra ya ipalugar a dálin no ag diad saman labat. so toon salogen to ray dalá to tan ipunpon to ra diay asawa to tan anak to..
Tinmonda, inaplos toy muling toy lima to, insan to inlikdem iray matá to. Nen onlimatá anengneng to may laki ya manbikutkot ed elek to tan samay párin oldog a sankateltel toy eges to ya singa bilang pian ag ombetag ed gaway panelek to, anengneng to met ya itoturó ray abong to, insan da lamet inian so elek.
Mangganonggong iray layag to, singa alikna tod abay na alupising toy mangisiw a babuyan, linmesá lamet ed arap day matá to may lurem ya ambalanga ya singa panletletaway bang. kay na asawa to tan anak to, ya walad abay da ra may lakí tan párin manelek a sayay unor manteltel ed eges to.
Alingoanan toy amiy nunoton gaween, pinmuliktar tan tinumbok to ra may duara ya amaarap dimad dalan ya ompungtad dálin to.
Nanalagar si Simoun ed saman a lábi balet ta agto apasabí Anakbanwan Tales.
Nen binmangoy kaimbuasan naimano ton anggapoy lugan ton may katat a kalubay paltog to; nilukasan to tan nalmo tod man ed dalem a binalkot ed papil imay relikarion ba litok a binotakay brillante tan esmeralda, tan pigan karasig a sulat ed salitay tagalog a kuanday onia:
