Apakpaknaan dan amin so anunotan nen Simoun, likor labat lamay atagey so betang ton empliado ya inopit tod kinen pári Fernandez ya ag iman manepeg ta singa met la lurlurey a panaguley.
"Samay maestro ed báley na Tiani," kuanen sekretarion intuloy a walaray bubukaybukayen ton papipapil "kekerewen ton itdan komon, no nayari, na magmaong a pasen a....."
"Anto ni lamet so labay ton mas maong ey anta walala lanti kamarin a bukor toy mangikakana?" kuanen pári Camorian sinmalabat a sinmingger, ya alingoanan tola may petang na uló tod aliwan pananugal nen pári Irene.
"Say kuanto ta alákasan, tan manlapod nansasaliw na mapa tan kuadro ya gastos ton díli, agto komon labay a sabien iray uran tan agew..
"Anggapo la balet so pibibiangan kod satan," kuanen Kapitan General ya inmercmeré; "no labay to ipaarap to tay kerew to ed Director na Administracion, say Gobernador na lúyag ono diad Nuncio¹....."
"Say amtak ya ibagad sikayo," kuanen pári Camorra, "so satan a maestro filibustero2 ya agto napapaknaay bilay to; palurey kayotay ipapalapag tod saray katcowan a parparejo lan lamang so kabulok day bangkay ya marakep tan mabli punpon da, tan saramay inpunpon labat ya anggapoy walawala? Nasabisabí agew a naponitik et!"
Tan si pári Camorra inelet toray poniti to.
"No tungtongey tua," kuanen pári Sibylan inmarap ed pári Irene ya singa bukor toy pangibabagaan to bilang; "say talagan labay toy manbangat, makapanbangat ed anggan iner a pasen a silong na katawenan; si Socrates3 manbabangat ed saray plasa, si Platon4 diad saray tanamánan na Academo, tan si Cristo diad saray kapalandeyan tan libsong."
"Wala laray sinmásabid siak a dalem nipaakar ed satan a maestro," kuanen Kapitan General a nanlimgisan ira nen Simoun; "isisipen kon maong lan ekalen."
_________________________
1 Legay uley na Kastila say Gobierno agta aasikasoey aral saray eskuilaan wala rad silong na pakuley na togiop day papári tan saray kúran papárin ampoti ed binaleybaley. Say Nuncio sikatoy ibabaki Pápa ya mangilalaman ed sikato a mitatalusan ed panguloy sakey a bansa.
2 Pilipino a labay toy kasiyan na Pilipinas ed España.
3 Sankakabatan a pilósopon griego ya taga siudad na Atenas tan nanbilay nen 470-400 taon kasakbayay intoo nen Jesucristo,
4 Makabat met a pilosopo griego ya nanbilay nen 429-347 ya taon kasak- bayay inkianak met nen Jesucristo,
