yan pamaakaran, balet ta agay met lay palar ko ya singa lawas a nasusumlang koray agágik. Ikuanko sirin ya ag manepeg ya ontan lay bilunget na pakanengneng tayo ed arapen.
Say pangibangat na salitay kastila nayarin yabuloy ya anggapoy kapagaan, tan piano ag nibagan ataloy Universidad na
Santo Tomas, sikatayon dominiko so manepeg ya ononaonan
mangipatnag na pililiket tayo; ontay maong a polítika. Anenen tayoy mipuntoan lan mipuntoan ed báley, anta dagdaiset
itayo, sikara et dakel ira, tan sakey ni nakakaukolan tayora, et agda itayo nakaukolan?..... Alagar kayo, pári Camorra,
alagar kayo karí!..... Akoen la ya natan et say báley maletey
tan anggapoy amta to, ta siak sisiaen ko met ya, balet ta aliwan
ontan lan ontan. Nabuas ono nabuas a sakey, nayarin sikaray
mas mabiskeg, amta dalad satay makanad sikara ta agtayo man
ira napukpokan a singa met agla pakaamper ed saray ugugaw
no ombabaleg ira ed pikabat dalad bengabengatla.... Kanian,
niay kuanko ay, akinta no samboten tayo yan kipapasen ya
aliwa niran makabat a pangoman tayoy kurang na polítika
tayo, ta piano niletneg tayon maseksekder tan magnayon, ya
ipasek tayo bilang ed kaptekan ya aleg ed inkamurcng da a? Ta
anggapo lawas so mipara ed matonung tan maptek a pikukuno, ya
saya naynay kolan ibabága ed saray agágik balet ta agdaak
labay a sisiaen. Say indio atagey so panamabli tod kaptekan
a singa dinan man a malanguer nin bansá; sikaton díli onkerew
na dusá no amta ton nankasalanan, et onalingasá met balet no
nadusan andid kanepegan. Makanepegan so kekerewen da?
Yabuloy tayo sirin, iter ed sikaran amin iratay kakaukolan
dan eskuilaan ta onsawá ran siansia; no tungtongey tua, say
kalangueran mangirás, tan say makapapasebeg ed sikara labat
say pamepeget tayo. Say sipor lan tapang tayon makasisinger
ed sikara ya atagey a galang tayo, pári Sibyla, dagdaan ya anosnosan la, nakaukolan a mangiparaan itayoy isalat, a singa
bilang say tapang ono singer na pisasalamat tan kababáles ed
maong ya utang na linawa. Singa ag itayo mannununot, akin
ta no aligen tayoray masilib a jesuitas a....."
"Oh, oh, pári Fernandez!"
Agya nayari, ag nayarin balot! Napalabas nen pári Sibylan amin, likor labat so pangibaga rad sikaton aligen toray jesuitas. Manggiwgiw ya amespesiaw so lupa to, ginapoan toy maakdon turing.
