"Lablabay koni ray pransiskano.....anggano anto ladtan dapot labat no aleg iray jesuita!" kuanton mapalaloy pasnok to.
"Oh, oh!"
"Eh! Pári.....!"
Ginmapoy ampetang a sangsangan ya akibabali ran amin ya alingoanan dalan patí si Kapitan General; manbabansag iran mansalita, ag ira manpapalabasan, sakey tan sakey maningal, aglara mantatalusan, mansusumlangan ira; si Ben Zayb tan si pári Camorra ayagan day poniti, say sasalitaey sakey saray mangingiras tan mauges ya inkabangat, samay sakey balet saray mureng tan managpauges, si pári Sibyla, sasalitaen toy Capitulo, si pári Fernandez balet say Summa na Santo Tomas, anggad inloob nen kúra ed Los Baños ya angibagan akaparaan lay almusal.
Inmalagey si Kapitan General tan sikatoy inkapultot na supiatan.
"Tonda kila, kagalang kora!" kuanto; "nankimey itayon singa saray negro anta manbabakasion itayon kuan. Walay angibaga ya say manepeg a panagunteng na makabaliksan iran pamaakaran et dia lad panagpalamis, tan siaabubon ak ed sayan panagnunot."
"Nayarin ag onliray kinan tayo balet," kuanen sekretario ya labay ton ibaga may petang na supiatan da.
"No ontan sirin, ipanabuas tayo."
Inmalagey iran amin.
"Sankatageyan a General ko," kuanton inkalkalnan may atagey a betang ya empliado; "samay anak nen anakbanuan
Tales, pinmawil lamet a kekerewen toy kabulos la komon nen láki ton agmakayari ya impiriso ran isaandi ed kinen amá to....."
Ninengneng nen Kapitan General ya akaingungot tan inaplos toy muling toy lima to. sal!"
"Anto met laya! sagotsagoten day toon pati panagalmu
"Komatlo layan agew a ipawil todia; sakey a pakaska. sin marikit.....”
"Ah, demonio!" kuanen pári Camorra; "kuanko la ta walay ibabágak ed Sankatageyan a Kapitan General; sikatotay makasengeg na inkiwalak dia.....say panulong kod satan a marikit!"
