bang, inekal toy sombriro to tan inalig toy kagagalaw nen
balitadon kómiko tan gumagaway karikatura¹ ya Panza no
tipakan da.
"Mekatsis! Agi, sikatomay kuankon bii!" kuay sakey ya estudiante, kasakbayay yalis to; "ibaga yod catedrático ta ambelat so sakit ko."
Tan si Tadeo, ta sikatoyay ngaran nen papaibagan agmakayari, linmoob ed simbaan ya tinmonbok ed kinen marikit.
Sayay Tadeo sakey a manaaral ya inagewagew ya ounlad Universidad ed panepet to labat no walay klasi ono anggapo, tan mantuboy kelaw to met ya inagewagew no akin et walay klasin naynay Singa amo alutolutod linawa to ya nasabi pankapet lan anggad angga na klasi tan sikatoyay pitalaran ton magano lan onsabi. Inagewagew labat ya no agtora napasout so ibiba ton manliwat, ontaynan lan bukor a nambabangil a barbaraan ton kapilitan a gaween to, kompromiso to ono sakisakit to ran bengabengatla, no kuanda lan onloob so ibiba to ra ed klasi. Balet to diad maamot a gaway salamanka lági, si Tadeo makasasapat met a naynay ed iksamen, inararo ray profesor to tan singa magaygayagay arapen ton bilay.
Saramay nanduruman polok ginapoan da lay nanbubuyak a linmoob ta anengneng dan nitanlan inmakseb so catedrático ed Física tan Química. Saramay estudiante, ya nengneng day naapay ilalo ra, amaarap la rad dalem na Universidad a nambabangil so balbalikas dan pakapatnagay irap na linawa ran ontubong ed klasi. Akila met lan linmoob si Plácido Penitente.
"Penitente, Penitente!" kuay sakey ya anawag ed sikaton singa walay yaamot to bilang, "pirmaan mo ya ay!"
"Ya, antotan ey?"
"Agmola tetepeten, pirmaan mo labat!"
Say liknaan nen Plácido singa walay manlalampinit na layag to. Agto nalinlingoanay inkagaway sakey ya anakbanwad mad báley to ya nisesengeg ed impanpirma toy sakey a dokumenton agto kabat so lugan to et nipangaw a pigapigay bulan tan dagdawit lawarin nipaalis. Diad pilalek na sakey a pangamaen nen Plácido ya mangitanem ed uló tonia ed saman
_______________________
1 Retraton ingguyatguyat labat na lima ya ag inapipiger balet ta nabirbir a mapatpatnag. Diad saray palapagan so mabetbet a pakanenengan ed sarayan klasi retrato.
