2
Uley et maasewek met a maong!.....Say pasiot to mabetbet ya ontanol, pagas tan makakebiew, ya aliling na sakey a maruksa tan masulit a manouley a labay to ran patuloken ed kasil na ingal to so walarad silong na pakauley to. Onman lay tanol ya anggapoy makapantatalusan dimad dalem. Diad panbubulon to singa to ra papagiawen so amin day nanaabet to; no arum singa to la ra talapusen a temeken iramay salambatv, panangalay sira rayan singa ra katagtaglang a diad kagagalaw da et aliling day akaalagey a pukel na alan a mangilulugay na sakey ed saramay ankakabaleg a pawikan a manbibilay ira nen panaon a kasakbayay delap a lapag; no maminsan mapmaples a ngalngali to ran subsoben iramay kakawayanan ed pangdel, tan no arum met singa topaen to la ra may pakanan ya impapaalagey ed gilig na dalan a saray lusek da et wala rad danum, tan walarad nanlalaetay kayanga tan arum niran tanaman a nanrosas ya aliling da ray matakot a manaames, ya anta akataksaw laray sali rad danum et mapagpaga niran siansian ontiblong; no maminsan met matinunos a tontuntonen toy dalan a nanlaetay impapanek a sengeg na kawayan, tan balibalin mareen so kadadalas tod satan, likor labat no natopa odino nasorsor toy pinmatalan a dalin ed dalem na danum ya anggapoy manilalon wadman, ta nasinsintak iray akalugan ed satan a natugtogingging.
Tan no kulang ni bilang so pipara. tod Bapor na Uley, nayarin nengnengen so inkidatak day linmulugan. Dimad leksab ya ayaman, nanengneng iran akadunglaw so lupa ran kayumanggi, ulo ran nanbuek na andeket, lupa ray indio, intsik, tan mestiso ya wadman iran nanpipitpitan ed nanlalaetay tagtagilako tan baubaul, tan dimad tagey balet ya ayaman, diad silong na tarong a sanib dad agew, wadman ira balet a manyoryurong ed madmainawan ankakabaleg a silyon so pasajero ran akakawes na kawes ed Europa,... papari tan saray empliado a manabtabako ray ankablin tabakon ankakabaleg, nengnengnengen day lalabasan iran pasen a singa agda nanaimanoy kakairapan nen Kapitan tan saramay marinero ed pangipapaliis dad samay bapor ed karisgoan to.
Samay Kapitán nengneng toy maong a too, matatken la, masiken lan sumasakay, ya nen wala nid kalangueran et map maples iran bapor so luluganan to tan babataken to ray ma-
