taan. Samay ag nalingó makalay raya buena ono maong a nota, samay nalingon masulok a mamitlo, say naala to raya mala.
Walay sakey a tubonbalon tabareg, ya lupay makakaugip tan buek to ray akaalagey a mataltalker a mataltalker a singara buck na cepillo, ya manuwab a ngalngali lan nalengat so ngalangalá to, tan maninat a younaunat toray lima ton singa walad dokolan to. Anengneng nen Catedrático tan labay ton taktakuten.
"Oy! sika teglepen, panon? Mangiras kani nimet, talaga lan agmo amtay leksion, ja?"
Si pári Millon aliwa labat lan sisikaen to ray babangatan to ya unong na párin marunong, no agta say pisasalita tod sikara, kastilan pikewet a tatawagey kastilay tindaan ya inalig to ya ed catedrático na Cánones. No say gagála to nian pári et panmurmura tod saray babangatan to odino saray masagradon ganggan ya impaakseb day concillio,1 agni apapaway, anggaman andukey laray supiatan nipaakar ed saya.
Sayan tepet a nantarok na pabaing, inbis a liknaey klasi, apaknaan da tan dakdakel so manelek; inagewagew labat yan nagagawa. Ontan man si atawag na teglepen ag inmelek... Inmalagey a biglá, ginopogopó to ray matá to tan ginapoan toy nansalitan aliling na ponógrapon kinuerdasay mákinay bapor:
"Ingangaray espejo so amin a tapew a pinasileng a diad kakena toy liwawa ompaway so anino ono talintao na saray walad arap to, nipaakar ed inkagawa na sustancia tonian tapew, naapag irad espejon metal ono gansa tan espejon salming.
"Tonda, tonda, tonda!" kuanen catedrático ya pinaer; "Jesús, singa ka lipalpak!..... Akoen tayo sirin a saray espejo naapag irad espejon metal ono gansa tan espejon salming, ja? No ipanengneng kod sikay sakey a kiew, say batolinew bilang a pinasileng a maong tan binarnisan odino sankaputer a mármol ya andeket a pinasileng met a maong, odino puter na sabatsi ya ompaway met so anino na bengatlan inyan ed arap da, antoy pangingaran mod sarayan espejo ey?"
Si tinepetan, balang lad agto amtay yebat to odino agto atalusay tepet, sináli toy onliktar a labay ton ipatnag ya amta toy leksion, tan intuloy ton singa maples a súbol:
_________________________
1 Cánones - Saray ganggan ono leyes na Santa Iglesia ya tutuntonen day papári.
