pagay daiset si ag napiing ya estudiante, "walay biang ono
anggapo na walad beneg ed say walad tapew?"
Diad onian malinew tan mabelás a tepet a singa angiopoupotan la, agto amtay yebat to nen Juanito tan anggapo met so naalagar ton nibangat ton may amerikana to. Sinyas a sinyas ed Plácido et anggapoy nibaga tonia ta manduarua met. Sinambot nen Juanitoy inlingaw nen catedrático ed sakey ya estudianten kakalkalnaan ton ouyosey zapatos to ta mainget, ya ginatinan ton biglay salí nen Plácido ya bansag na impangikuan toy:
"Diktaan moak, ganat mo, diktaan moak!"
"Pandumaanen ko....Aray! Anggapoy kalakal mo!" kuanen Plácidon agto apukpokay impakaeyag to ya nilimgis toy ansakisakit, legan ton pupuyokey zapatos ton charol.
Nangel nen catedráticoy eyag to, ninengneng to ra atalusan toy agawa.
"Dengel mo, sika mibabáli," kuanton imbales si Plácido, "agtaka tetepetan et bangta ipaspasirayew moy pangilalaban, mod saray arum, nengnengen pa no nilaban moy inkasikan díli, salva te ipsum1 tan uksoy mo natan yay kasuyátan.'
Inyurong nen Juaniton malikeliket tan diad pakapatnagay maabig a kababáles tod mandidiktad sikato, dinilatan to. Saya inmalagey ya ambalbalangay lupa tod baleg a kababaingan to, tan meremerén manbabaraan.
Inimano nen pári Millon ya aganó ya singa bilang nananamen tod matá toy sanlipong a kanen. Alay abig a pabaingan a paabebaen tan panelelekan iman a balolakin postura, mapinepineng a lanang, mataltalker so uló to, tan maseksekder a kanenengneng. Sakey a gaway panangasi, kanian si mapangasin catedrático amaspasia ya inoman ton matantantan so tepet a nankuan:
"Say kuay libro, so say gagaween ya espejon metal gansa odino tinonaw a nanlalaok a pigaran nengneng na metal, tua ono aliwan tua?"
"Ontay ibabagay libro, Ama....."
"Liber dixit ergo ita est,2 agmo papalakbatay libro..... kuanton inarom so saray espejon salming maimpis iran pala-
_________________________
- 1 Ilaban moy inkasikan díli.
- 2 Ontay imbagay libro no anten sirin tua.
