nas a salming a pinasileng a maong cd biek tan biek tan pineketan ed sakey a pagpag na laok na estaño, nota bene3 laok
na estaño. Tua ya?"
- "No ontay kuay libro, Amá....."
- "Say estaño metal?"
- "Ontan amo, Ama; sikatoy ibabagay libro....."
- "On, on, metal, tan say salitan laok labay ton ibaga so
impitipon tod azogue ya sakey met a metal. Ergo, say espejon salming, espejo met a metal; ergo, say inkaapag na klasi espejo makapantetekep, ag ira napanbibiigan; ergo say impangalasir makilot; ergo..... panoy pangipaliwawam nitan ey, sika mibabáli?"
Tan say panangibalikas to ray ergo tan panagsika to marandanet a singa to nananamen a panliliketan, insan mankindat a singa bilang labay ton ibagay: "Ayadyari kalan intiti!"
"Say.....Say labay ton ibaga....." kuanen Plácidon meremeré.
"Say labay ton ibaga so agmo inaral so leksion, sika musmus, ya anta agmo natatalusay dílin walad utek mo, mibabáli kan mandiktad kaabay mo!"
Say klasi agto man nilikna; dakdakel ni ingey akapakna tan inyan day elck. Si Plácido kinetket toy bibil to.
"Siopay ngaran mo?" tinepet nen catedrático.
Inebatan nen Plácidon amagamagá.
"Aja! Plácido Penitente, mas nengneng mo balet so Plácido ya Managdikta odino Didiktaan. Balet itdan taka natay penitencia ono dusa ed panagdiktam."
Malikeliket ed abig na impangalag toy salita, insan to ginanggan si Plácido ya idalatdat toy leksion; saya ta mauges lay uló to, alingon masulok ya amitlo. Si catedrático manangertanger a matantantan ya amuskag na kuadernon panpapasalistaan to, pinarlasan toy matá to, legan ton bibitlaen a makalkalna tan mantonda ray kangaranan:
"Palencia Palomo .... Panganiban .... Pedroza .. Pelado Pelaez .... Penitente, aja! Plácido Penitente, labinliman liwat.....'
- Nanpetek si Plácido.
- "Labinlima, Ama?"
__________________
3 Imanom a maong.
