awang a kadayatan tan natan nen matatken la laingen nakau
kolan toy manasikaso tan manimanon maong pian napaliisan
to ray ankelag Iran kaatapan
ya apasakey ira nimet ya
inagewagew... .saramay pinmatalan, samay dilin kinabaleg na
bapor a nabaran ag makagalaw ed saramay likolikoy ilog a
singa sakey a biin matabatabad utel na nanpipitpitan a totoo,
kanian mabetbetbet kalamor ya ontonda, manpasuner, pateyen
toy kapalduan makina ya panbalbalesen to ran ibaki ra may
limaran marinero to ed diking a kawigi na bapor insan diad
diking a kawanan, ya awit da ray andurukey iran teken a
pangikaol dan pangipaarap ed samay bapor ed inturoy timon.
Aliling toy sakey a matatken lan mibabakal a nen panaon
nin kabiskegan to et impangulo to ray totoo ed maatap iran
bakabakal, insan nen matatken la et nanmaliw a komisan na
sakey a principen alamlaman, matarampas, matonganga tan
masilib.
Tan si Donya Victorina ya bukbukor toy biin akayurong dimad polok day europeo nayarian ton tasian no tua kasi ya samay Tabo et masilib, matonganga tan alamlaman a gusto toy gusto to, ta si Donya Victorina maniapod matakot, masiadoy panagdansak tod amin a kasko, baloto, balsa ran sengeg na niog, indio ran mansasakay, tan pati saraman kalamor so pumepesak tan manaames a nanaalipanesan da ed liket tan sayaksak da. On, samay Tabo matonutonung komoy pansakay to no anggapo ra labat so indiod man ed ilog, odino diad bansa, on! Lalo la no anggapon balot so indio ed tapew na dalin, ya agto la nonunoten ya indio ra may marinero, indio ray makinista, indio la warin amin iray linmugan, a pati sikato, no karkaren da labat la may makapakapal a polbos to tan ekalen da may ipapasirayew ton bata to. Saman a kabuasan mapalaloy petang na ulo to ta saramay wadman ed polok a kawalaan to agda aasikasoen, tan wala met a tuay pankatonungan to, ta nengneng yo pa met labat: wadman iray taloran papari ya alutolutod linawa ra ya manpasuner so amin a too no nasabi agew a mamaarap irad susto; Don Custodio, sakey a toon agto amtay nakesawan ya ag balot nagogunagoy ugip to ta masarasarag lad sikato ray kanunotan to ran gaween ya anggano anggapoy kasusumpalan da; sakey a sumusulat a mabcnan kanunotan a mangaray Ben Zayb (a sayan ngaran nanlapo ed impansosuniyan
