Si Sandoval ta maliket a mandiskurso, insan anggapo ray talagan ingganan pasen a pakapanguntengan na bengabengatlan nipaakar ed áral, pananulat may polítika, anggano iner man a doipon kawalaan to, ilelctalet toy pandiskurso to ya tipakan da met lan tipakan iray kaaro to tan arum ni ran makakangel. Diad saraman a bekta say sasalitaen da say pangibangat na salitay kastila.
Manlapod andinidmay Makaraig, sakey tan sakey mamaparles na agawa.
- "Anto la kasi agawa?"
- "Anto kasi apaabig nen General?"
- "Agto kasi inmabuloy?"
- "Analo kasi pári Irene?"
- "Analo kasi pári Sibyla?"
Manbabanlangan irayan tepet, iran anggapoy makaebat no ag bukor nen Makaraig.
Diad saramay tubonbalon wadman a nandodoipo walaray malinak a panagnunot a singa bilang si Isagani tan si Sandoval ya ipapasen dan singa ayadyari lan agamoran day pilalek da, tan sasalitaen da lay pangitanduro tan pangidayew na Uley ed panangaro ray manaaral ed dálin dan nianakan, kanunotan irayan makasengeg a si Juanito Pelaez et ipapasen ton sikatoy manepeg a laey babáleg a galang ed inkatogiop ton - moyong. Amin iraya eebatan nen makulang na ilalon Pekson, sakey yan tubonbalon matabataba ya akangisael a lanang ya elek toy elek na pilyon singa manusutil, tan say sasalitaen to saray totoon dumadumay pakayari ra, no kasi ta si Obispo A., si pári B., si Makauley day papári C., et impanon ed sikara ono andi, tan no inbilin da kasi ono andi, ya iseksek iran amin ed pangawan so kalamanan ton man a moyong, balita yan mapalaloy paga nen Juanito Pelaez ya akangel tan inkuanton naataatá:
"Ay sasalo, agyoak pibibiang...
Si Sandoval manlapod kastila tan malalang so panagnunot to, ampetang so uló tod saya.
"Balet ta, p...!" kuanto, "makapoy saloy pangipapasenan yod kinen Gobernador General! Amtak met ingen a makiling ed saray papári, balet ta no nipaakar ed sarayan pamaakaran anggapoy nagawaan dad sikato. Labay yon ipaliwawad siak,
