day batek cd ngaran ya Ibañez) ya inisip ton no saray totood.
Ibale et mannonunot ira, sikato labat so makasengeg ta totumboken da lapod sikato et aralem a panagnunot; sakey a canónigo
ya singa si pári Irene ya nitatanduro to ray kapara ton papári nisesengeg ed samay lupa ton ambalbalanga, ya singa kapankirkir a lanang, samay eleng ton singa eleng na judío, ya
atagtagey a marakerakep, tan sotana ton sutla ya balibali inkatabas to tan nanbobotinis na ankekelag; tan sakey a mayaman
ya alajiro a manngaray Simoun, a dengel a sikatoy panangipanonan nen Sankatageyan a Kapitan General tan manangibangat
ed saya na amin a gagaween to..... nunot yo pa lanti ya wadman irayan lusek sine quibus non1 na bansa ya akomkompog
a malikeliket a mantotungtong, insan agda asikasoen so sakey
a pilipinan intapat toy inkapilipina to ya kukuloren toy buek
ton ipaparad buck na mais.....masulosulok met a naupot so
ános nen Joba² panangingaran ya nen Donya Victorina ed sikaton dili kapag walay kasupiatan to ono kakulkol to.
Lalon ompapalaloy uges na uló nen Donya Victorina kapag yingaingal nen Kapitan so baborp! striborp!3 insan batik irad satan iramay marinero ya sinkaten da ray teken da insan da ra ilereg ya ibeká ed biek tan biek a pangdel pian diad onia, tan dia met ed biskeg day sali ran itatákal da, tan takeb da, naamper da may bapor ed kisarsar tod saman a pasen. No nengnengnengen ya onia, nayarin ibaga ya samay Bapor na Uley et anta pawikan manmaliw ya alamá no walay onsabiu manasingger a kaatapan.
"Kapitan, akin ta et onarap irad satan a diking iratay mureng a maneegnay timon ay a?" kuanton tinepet a mapalaloy petang na uló to.
"Onaa ta ataptapew dimad biek, sinyora," kuanen Kapitan a mantonda tan inkindat ton matantantan so sakey a matá to, ya apasal to yan kagagawa ya singa bilang pangibaga tod saray salitan ompapaway ed sangi to na: "mankal na ki labat, mankaikalna ki labat!"
___________________
1 Bengabengat la ono kipapasen iran kapilitan.
2 Say nantapoan to nian ngaran Job, ngaran na sakey a too nen inmonan panaon a mapalaloy ános to, ya intepel ton andi esel ed mabulos a linawa so amin iray segsegang ya inter na Dios a panubok ed sikato. Manlapod bii si Donya Victorina kanian ginawa ton Joba.
3 baborp— kawigi
striborp— kawanan
