Vice Rector, papári, Kapitan General, kanunotan, etc. nankalkalnan binmilunget so lupa to ya nankuan:
"Sikatoyay nayarin tawagey bansay nambabangil iran kanunotan! Et ituloy yo, ituloy yo pa!"
Si Isagani agto inckal so ilalo to; imbaga toy apaabig a
gaween a pamaganoy kasumpal tonman a pamaakaran tan
imparungtal to met so ilalo ray tubonbalo ya si sinyor Pasta
et tulongan to ra no bilang ta ipanon nen Don Custodio ed
sikato, ya singa sankanengneng lan nagawa. Agla tinmalek.
si Isaganin angibaga ya bilinen to bilang si Don Custodio ya
onggampi ed sikara to sankanengneng to lay pankuliseng nen
abogado.
Si sinyor Pasta balet ayari to lan nilutod nunot toy gaween to, ya ag balot mibiyang ed saman a pamaakaran ya anggano ipanon da nid sikato ono paitunton irad maong a gaween. Sikakabat ed amin ya agawa ed Los Baños, amta ton walay duaran partido, tan aliwan si pári Irene labat so mangiaansakit a manutulong ed saray estudiante, tan aliwan sikato met so angibaga ya ipasabi man a kerew ed Comision na Instruccion Primaria. Si pári Irene, si pári Fernandez, si condesa, tan sakey a komersiante ya sankanengneng to lan pakalmoan toy panlakoy nakaukolan ed pangipaalagey tan ikana na balon eskuilaan, tan samay atagey so betang ton cmpliado ed gobierno a nambabangil ya akalkalamit ton impapaakseb na arin ganggan, manalo la ra komon, no ag labat anunotan nen pári Sibylay pangipatang ed Comision Superior, ta pian naabala to tan naitday pankanawnawan pankimey ton onsungpa. Amin iraya malinlinew irad nunot nen abogado, kanian kasumpal nen Isaganin nansalita, ginagála ton elewen ya ebatebatay makilot, gotguten so asunto tan yarawi ton ipaarap ed sananey so tungtongan.
"On!" kuanton impalabiw so sungot to tan ginogo to may uló ton duldolan; "anggapoy manaeg ed siak ed pananga- rod dálin a nianakan tan panpilalek ed bolaslas, balet ta.... agko met nayariay ompanget.....agko amta no kasi ta nabibilibili yon petepeteg so kipapasen ko.....sakey a kipapasen a nakaukolan a simbangen a maong.....dakel so nepeg kon asikasoen, nakaukolan koy manaluar a maong.....say kekerewen yo sakey a makapangipanget....."
