Tan agmet nalilingoy intsik Quiroga! Samay lakin matabataba ya mangidadayew ed sikato tan mangibabagay kakanaay pangipascy konsulado na intsik ed Ibale ya ipapatalus tod pananalita to ya anggapolay arum a onnepeg a gaween a consul no ag si Quiroga, si sinyor Gonzales a say ipipirma ton ngaran to Pitili no mansusulat ed saray palapagan a papaugesen toy yakar da ray intsik diad Pilipinas. Samay sakey a matatken a kukuninengen to ray nambabangil diman, saray lamparaan, saray kuadro, etc., ya mankuliseng tan ipatak patak to ray salsalitan nantarok na panlemlemew, andi arum no ag si Don Timoteo Pelaez ya ama nen Juanito Pelaez, sakey a komersiante ya mapalaloy petang na uló tod pangokompetensia ray intsik ed saray komersianten pilipino. ta onkakapoy a maong so negosio to. Samay sakcy met ay ya walad aragdawi daiset, ya kayumanggi kolor to, mabeng, makmakdem so kanenengneng to, tan kakaimis toy samsamet, si balitadon angigapoy sangsangan nipaakar ed kuarta ed Mexico ya pisos, ya ontan lay impakapaermen tod sakey a toon tutulongan nen Quiroga; saman ya empliado nasasalita ed Ibale ya matudioy kanunotan to! Samay lalon aragdawi ni kawalaan to, ya asilot so kirep to tan asaganet so bigote to, nipapasen ya sankagalangan ta lapod panagpauges tod anapan ya loteria¹ ya nanmoyongan ya ikukurang nen Quiroga tan sakey ya atagey ya inkatoon bii ed Ibale. Ta no tungtongey tua met, say nagagawa kapaldua ono duaran kakatlo ed saray ticket na loteria nipapaarap irad China, tan saray daiset ya ticket iran natitilak diad Ibale no ilako ra, walay patong dan kapalduay ikapat kapag sakey. Ta saya lantin magalang a sinyor ag naekal ed uló to ya nasabi agew ya naala toy manonaan a premio, kanian ontan lay ingongot to ed nagagawan sáol.
Nasusumpal lay pandem. Sankarengel ya anggad salas so tanol ed pananganan, saray panangimola ray oniinom na álak, say elek day totoo, say pansasangalay salita, say panpandak day arum.....Mabetbet a narerengel so ngaran nen Quiroga ya iba to ray salitan consul, panpaparay kipapasen, pankatonungan....
Si akanabong ta ag mangakay potaje rad Europa, anganggad ginawa toy akiinomay álak a tonggal paminsan ed saramay san-
______________
1 Singa sweepstakes natan.
