batabá insan botiog, inkayang to la laingey pinaspasia pian omparungtal so eges ion abalkot na chaleco ya anggapoy piligis
ya apabenlagay sakcy a marakep tan manesiab a golonggolong
a balitok a binobutakay brillante. Sakey tan sakey a partido
atalusan toy gagalay biek, tan dia la natan ginmapoy garbon
baleg. Diad ontumbok a misa, amin day memistizo, pati sara
may kobabeng nitan la ran botiog, tan inyurong dan amin ya
akakayang a singa ra mangabkabayo; amin iray naturales pati
saraman met so sankatabaan, impansasampalan da ray sali ra,
ya walay sakey ya anakbanwan nansirkon atibakiar. Saray intsik nen anengneng da ya, inyan da met so singa kayoyurong
dad tindaan da: insapat dan impikos so sali ran sakey tan
akaoyaoy so sakey a mangingkingking. Walaray protesta, sulsulat, daledalem ya impaarap ed okuman etc., saray cuadrillero impaway da ray armas dan masulong iran mibakal; saray
kúra malikeliket ira, saray kakastila panpalabasan day maligligan oras tan pakakalmoan dad biek tan biek, anggad impanguksoy nen Kapitan General na gotgutan ya ingganggan ton
amin da et aligen day kayoyurong day intsik manlapod sarayay
sankatageyay ibabayar, anggaman aliwan sikaray sankaabigan a
katoliko. Dia lay gapoy irap day memistizo tan naturales ya
agda amtay gawaen da ta lapod apispisteng so pantalon da,
agda naalig so kayoyurong day intsik, ta ombuknak. Tan piano napatnagan a malinlinew so gagalan pamaabcbád sikara, sinumpal yan ganggan ya impanengneng ed katoowan a niliktob
na sakey a compañia na caballeria1 so simbaan legan day totoon manlinglinget ed dalem. Sayan asunto asabi ton anggad
Cortes2 ed España et sinekderan dad may ganggan nen Kapitan General ya inulit ya imbaga ya lapod saray intsik so sankarakelay ibabayar walay pankatonungan dan mangipasout ya
tumboken so labay da anggan diad saray ceremonia a nipaakar
ed religion ya anggano kapaway dad simbaan et itapat da tan
balbalawen da ray bangat nen Kristo. Saray naturales tan memistiso pinaliket da lay linawa ran pinasarag iman a tutol tan
nanmarmaran da la man ya inkagawa ya ag mandarak na
tiempo ra ed andi kakanaan.3
___________________
- 1 Sondalo ran dikabayoan.
- 2 Congress.
- 3 Saya sakey ya tuan agawa. Naugaliyan nen saman ya walay tinaon a pistay simbaan ed Binondo ya say karaklan a manasakbat na gastos saroy
mestisoy instsik. Kinerew da ra nia ya say kapitan day mangipangulo tan aga-
