nen Quirogad sakey a silir, inkapot ton inapipiger so pinto, tan
diman to inosausay sinmabid sikaton segsegang.
Saramay taloran pulsiras a brillante ya inala ton impatanir ed Simoun ya ipanengneng ed asawa to, say katuaan aliwa ran para saya, ya biin india kalamor ya intalak ed silir ya ag makapapaway ya aliling na biin intsik, no agta para sakcy a malimgas a bii ya amigay sakey ya atagey ya inkatoo ya nakaukolan toy tulong tan pakayari to ed sakey a negosio ya panuboan toy sakey ya anem a liboy pisos. Tan manlapod si intsik et agto amtay manpili ikakana ray bibii, impatanir toy taloran sankaabigan tan sankablian iran pulsiras nen alajero ya manbili manlapod talo ono apat a liboy pisos so sakey. Si intsik ya imis toy mansingsingi, inkuantod samay bii ya manpili lay kalablabayan to; anggapo ta si bii balet diad tonoy bosis a lalon mansingsingi imbaga ton apakpaknaan to ran talo tan intilak to ran amin.
Inpandak nen Simoun.
"Ah, sinyolia, siak apilli, siak linmapog!" kuanen intsik lamet ed maksil a bosis to ya bansag na impangititiplak to ray mayumis iran lima to ed lupa to.
Ag ontundan manelek si alajero.
"On, on sikala mauges too, saman sinyola makapoy, aliwa sinyola tua," kuanen intsik a ipasout a manpeyeng ed irap na linawa to; "Panon, anggapo baing sikato, anggano siak intsik, siak too met. Ah, sigulo saman sinyola makapoy, aliwa tua sinyola; saman bii manggawa sigalilyo mas wala baing to!"
"Akalutan da kayon siansia, akalutan da kayon siansia!" kuanen Simoun ya dondunsolen toy tonggal daraiset ed eges.
"Amin sikala too miutang insan anggapo bayal, panon sa..... Insan manbibilang ed gamet to ran kangkangen..... "empilialo, opisia, teliente, sulalo, ah sinyo Simoun, siak apili, siak hapay!" tan?"
"Susto latan, masiado kayon makija.....anta akamayamay la lanti pinautang ko ran opisial pian aglara ombayes ed sikayo.....Pinautang ko ra pian agda kayo la gunágonen, anta amtak nimet a petepeteg ya agdaak nabayaran....."
"Sikayo balet opisia labat pinautang yo, siak pinautang ko bibii, malinilo, amin totoo....."
