"Sikato tan labat balet so onyarin pangipaliwawa....."
"Ompano say kakabatan et.....
"Kakabatan la ngola! Agyo met la tan tundaan, puñales!"
"Dengel yoak pa labat, ta ipanengneng kod sikayo. Wala labat itan ed pakanengneng. Siak agko ni anengneng itay uló tan agko met amta no panoy itsuray pangipapaway da. Si sinyor"— tan inturó toy Juanito Jelaez —"kuantod sikatayo ta dumá ed saray ulón mansalita ya ipapaway da la ran gendat, akoen lan ontan! Balet ta say panaggawa kapara to lan lamang; unong na inkuanko la, wala labat ed pakanengneng; alagar kayo, iyan diay espejo ay, wala met so espejo ed beneg, onaninag so anino.....anggapoy duma tod sakcy a problema ed Física."
Insan to ineepas so pigaran espejon akasabit ed dingding, panbabanlangan to ra, ipatewek, ipatangay to ra, tan nen agto napapaway so labay ton gawaen, kuanton insampot:
"Unong na kuanko, anggapo lay arum, kuestion na pakanengneng labat."
"Antota balet so pankaukolan yoy espejo, no ibabaga la nen Juaniton say uló et inlugan ed sakey a kajon ya intapew ed lamisaan..... Singak la sankanengneng ya espiritismo ta saray espiritistas et lamisaan a lanang so ikakana ra, tan isipen kon si pári Salvi ed kipapasen ton gobernador eclesiástico nepeg ton isebel itan ya ipapaway." andi.
Si pári Salvi ag onesel; agto ibagay on, agto met ibagay
"Ta piano naamtaan yon petepeteg no walaray demonio ono espejo ed dalem," kuanen Simoun ya inmebat, “sankaabigan lay lakayo ta nengneng yo tan a dayewén dan esfinge!"
Apaknaan da ya tan pinaabig day onla, anggaman si pári Salvi tan si Don Custodio et impatnag day pankabusol da. Panon, onla rad feria ya miseksekan ed saray totoo tan onnengneng na esfinge tan ulón mansalita! Antoy ibaga ray indio cy? Nipasen da la ran totoo, ya wala met iray liknaan tan kakabosan da. Si Ben Zayb ta lapo lagid sumusulat et matekiab a kanunotan, insipan ton kerewen ed Mr. Leeds ya ag mamaloob na arum a too legan dan wadmad dalem; masulosulok lay kapagalangan to ed yakar da, kanian agto panduaruaan ya ona-
