Si pári Camorra singa walad komaliman tawen ed pakanenengneng toy onman lan karakel na mamaong a bibii; ontonda, lingawen tora, sikilen toy Ben Zayb, mantantansik, ayew lan ayew tan kuanto: "Antoy kuanmod satan ay ey tan saman ay ey, sika ta mabalaw ka? Saman met so sakey ay ey, antoy nibagam ey?" Diad liket Diad liket to agtola nanaamamtaay pakasisiká tod kinen kaaro ton katagam to met. Limlimgisen nen pári Salvin tonggal paminsan, et agto asikasoen; gagaggagalaen to ni ingen a konwarin natatalapos tora may mamarikit ta pian nasapigar tora, insan tora kindatan a pappakuyepay matá.
"Puñales! Kapigan kasi pan kurak ed Kiapo?" kuantod nunot ton dili.
Si Ben Zayb bengatbengat akaayew a bansag na impakalukso to tan pinuyok toy taklay to; kinarut nen pári Camorra manaya ed gaway liket tonia. Nitan lan manasingger so makapulag ed limgas a marikit a sankanengneng dan amamayoen na amin a tood plasa, tan si pári Camorra ya ag onoput so liket tod laman to abaloan toy taklay nen Ben Zayb a taklay ton may marikit kanian kinarut to.
Sayan marikit si Paulita Gomez, sankaabigan a mangawes tan sankablian iray isusulong to ed saray nasasalitan maong a mangawes a bibiid Ibale. Inolop nen Isagani, tan manumtumbok ed sikaray Donya Victorina. Alay limgas tan karakpan to; amin makatondan onnengneng ed sikato, wala laray apoliwes lay beklew da, napultot iray tungtongan, tumtumboken na amin a matá, tan akamayamay so mangilulúgay a magalgalang ed Donya Victorina.
Say aysing tan siget nen Paulita Gomez, marakerakep tan mabmablin pinya ya binordaan, a sananey ed samay insulong to nen kabuasan ya akimisa ed Santo Domingo. Samay inkaabel na pinyan mapmaimpis a mabusbuskag, kalakalat na lupa ton malimlimgas tan uló ton asimsimbang a mababig, tan saray indion makanenengneng ed sikato ipapara rad bulan ya aliber na maimpis tan ampotipoti ran lurem. Say sapey to sutlan derosa ya dekola toy intagey a balibali na lima ton maimuimus, lalon akapaabig ed inalageyan to tan dakep na maalsan pagew to, ya diad pikalkalatay kagagalaw tonia ed galaw met na beklew ton singa nilalik, sankapatnagan a napnapda ed atés to tan liket ton paamayo. Si Isagani nengneng toy mauges
