Si Mr. Leeds ya amerikanon ag nibúri, akaternoy andeket tan pinatuloy to ran magalgalang. Maong a mangastila ta abayag a nanayam ed America del Sur.1 Inmabuloy ed kerew da, kuanto ta nayarian dan bukaiten ya amin so labay da, kasakbayan may kayari pangipaway to, dapot labat no mandeen ira tan ag ira maknol kaléganay paway. Manimimis si Ben Zayb ta singa to la nananamen so pansutil tod kinen amerikano.
Samay salas ya dingding tan bóveda toy kinobutan ya aminpinsay andcket, alenleneg a silew toy daan iran lamparaan na alcohol. Kineteg ya inapipiger na saban a sinakbungan met na terciopelo ya andeket; say sakey a dapat anginay nandarasig a tabureten yurongan day onnengneng, tan dimad biek, wadmay sakey ya entabladon inalpombraay kinajonkajon. Diad pegley to nian entablado so anginay sakey a lamisaan a sinakbungay mabmablin panyon andcket a pinipintaay akamayamay a lapis na uló tan nambabangil iran dibujo ya singa sulsulat day toon daan, a mairap a talusan. Say mise en es céne2 ambilbilunget tan makaparpaermen so nengneng to, tan agda apokpokan so inkakebiew da ran may masaysayaksak a sinmabí. Apaer so pansusutílan da, maneesaesan iran mansasalita, tan anggaman say ipapatnag day arum et singa anggapoy pagpaga ra, mabinbinta ran amin. Say liknaan dan aparpara singa linmoob irad abong a kawalaay bangkay, tan say nanaangob ya pasob na incienso tan lilin, singa to lulouren yan pakalikna. Si Don Custodio tan si pári Salví sisimbaten dan makalkalna no ag kasi manepeg ya isebel iraman ya ipapáway.
_________________
- 1 South America.
- 2Say imparaan a pangipawayan.
– 184 —
