Si Mr. Leeds impawil ton insakbong imay panyo ed lami saan, inarap to ra may atagey a inkataon wadman iran onnengneng tan oniay tepet to:
"Napda kila?" Nayarian tayo lan igapo?"
"Agi, agay lay magamagá to!" kuanton may sinyoran ba "No ontan sirin kagalang ko ran sinyores tan sinyoras, yurong kila tan iparaan yo la ray labay yon tepeten."
Naandipat si Mr. Leeds dimad sakey a pinto, tan nagogunoyan a tuloy pinmawil ya awitoy sakey a kajon a magmagket, abokbukbok, a walaray akatatak ya itsura ray manok, ayep, rosas, uló-ulóy too, etc.
"Kagalang kora," kuanen Mr. Leeds a mabinbinta; "nen aminsan ya akakar ak ed pirámide1 nen Khufu, faraon2 na ko- mapat a dinastía arumog koy sakcy a balbaleg a lubok ya ambalangan bató ed sakey a silir ya alinglingoanan la. Balbaleg so liket ko ta inisip ko lan akarumog ak na amagaan ya inmawet a bangkay na sakey ed saray boleg day arári, et panon la kasi inkaapay ilalok, nen diad impakalukas kon agay lay irap et anggapoy arum a lugan to no ag sayay kajon a nayarian yon koninengen natan."
Insanto indagon inliber imay kajon ed saramay akayurong ed arap. Si pári Camorra, pinaliisan ton intumba tod beneg so laman to, ya singa bilang nadidimla, si pári Salví sininggeran ton kinunineng a singa naayat na bengatla ran nanlapod lubok; si pári Irene manimimis na imis na toon makabat ya amta ton amin; si Don Custodio ipapatnag toy binta to tan agto pangitaltalek, tan si Ben Zayb anapen to nin siansiay espe jo; wadman anganko, so walad nunot to ta ag nayarin gaween iman a salamanka no anggapoy espejo.
"Singa angob na bangkay!" kuanton may sakey a sinyora ya mapanaspas so paypay to; "Ugh!"
"Singa angob na apat a liboy taon!" kuay sakey ed tonen marandanet.
Alingoanan nen Ben Zayb so espejo ed inlingaw ton impanengneng no siopay angibaga nia. Sakey yan militar a bi-
_____________
- 1 Kinen-palasio ran panangiponponan ed saray arari ed Egipto.
- 3 Ari ed Egipto.
- 3 Saray prinsipe ed sakey a boleg ono say dukey na panaon ya impanutey da.
