kon agto tondaan ya totumboken, tan papairapen ya anggad
daladalan irad dalem na dálin a ngalngali la kalamor naambagel ed takut to tan irirap to, ya aliling nen pári so masulit tan
balbaleg a kaging a mangousil na ampotin malapáti .... Ah! pári,
pári ed Abydos! Inmoliak ed bilay a mangiparungtal na marumsis iran gawam, tan diad bayag lay taon a linmabas ya
impantepel ko, tawagen taka natay manamátey, managderal na
kasimpitan, liputan, tan managpalsá!"
Sakey ya arakak ya amagamagan singa nanlapod dalem na lubok so tinmonbok ed sarayan salita, tan nangel met so bosis a linmereg a nankuan:
"Andi! panangasi!....."
Si pári Salvi manaya ya diad gaway takut ta et intagey ton inonat iray sanduan lima to, insan nipasag ya atumba.
"Akin kayo, pári Salví? Mauges so laman yo?" kuay tepet nen pári Irene.
"Say petang diad salas.....
"Say angob na inatey ya ililinawa dia...."
"Manamátey, managpalsa, managderal na kasimpitan!" kuanton may ulón uliuliyen; "idalem taka, manamátey, manamátey, manamátey!"¹
Insan linmaldak lamet imay arakak ton amagamagá tan mamagiaw a singa bilang samay uló et diad panoumameng to ray inkapaunong to et agto nanenengneng so gulón nagagawad man ed salas. Naalimureng si pári Salvi.
"Panangasi! Mabilay ni.....!" kuanton inulit nen pári Salvi, kasakbayay inkaekal na liknaan to. Ampotipoti lupa ton singa inatey. Saramay arum a sisinyoran wadman inisip dan kanepegan da met so naalimureng tan intumba ra met.
"Maniitaw..... pári Salví!"
"Babanoen ko lan mangan nimay sopas ya ubong na manok et; sikatomay ag linmirad eges to."
1 Sikatoyay katiponay lugan na uliran nen Rizal a Noli Me Tangere Ag- moak Didiwiten" ed Pangasinan). Say "pári ed Abydos" si pári Salvi; say "marikit ya anak na pári" si Maria Clara ya kaarowan nen Ibarra, tan say ulón mansasalita ya "ontutongangad Uley," si Ibarran dili. Sayan ipapaway ginawa nen Rizal a pamairap toy konsiensia nen pári Salvi, tan sikatoy nanlapoay amin a kairapan tan masulit iran kaermenan ya nilikna nen Maria Clara tan si Ibarra ya kaarowan to.
