Pinmaway si Plácido Penitente ed klasi ya manlipuay apgó ed puso to tan ambilbilunget so kanenengneng ton dalidaligdigan iray matá tod luá. Kalakalat toy ngaran to no ag napakaró, balet ta no sinmanok singa ágos a maples, odino munanakap ya ag ontonda anggad ag ompatey ono mamatey. Say ontan lan karakel na pabaing, ontan lan betbet na panamasakit ya agewagew a manitibsok tan mamapamayegmeg ed puso to, ya atiptipon irad man ya aliling day nalalapat iran tadiokó, natan ira abangon a manalingasad sanok. Samay ngisiw day uleg kalaok dan narerengel toy pabpabaing nen catedrático, samay panlulúrey tod sikaton pikewet a panangastila ya aliling dad layag toy mansasiok a lewet tan arakak. Libolibon mantatabonan ed utek toy nambabangil a gagala ran maugés a kababáles, balet ta onlalabas met iran tamtampol a singa ra labat nanenengneng ed kúgip. ed kúgip. Say tagey na linawa to ikokungkong tod sikaton ipapaslek a kapilitan a walay gaween to.
"Plácido Penitente," kuay narerengel ton bosis, "ipaneng neng mod saray tubonbalo ya walay panamablim ed inkasikan díli, tan anak kay sakey a luyag a mabayani tan masuri, ya dalá so naugaliyan a pangurás na napaabeban galang. Batanggenyo ka, Plácido Penitente! Balés ka, Plácido Penitente!"
Tan saya manngengem, manggeget a mantatankiyan iray ngipen to, tan natotupá ton ami nanaabet to ed lansangan may Taytay na España, ya alabas nen manaanap na kakulkol to. Anengneng tod mad taytay so luganan a panlugluganan nen Vice Rector a pári Sibyla ya kaulop toy Don Custodio, tan sinmeksek ed uló ten sinkaten toy párin ibuntok ed ilog.
Tinmuloy ed Escolta tan dawit dawit to ran pinoponiti duaran papárin agustino ya manyoryurong irad pintoy tindaan nen intsik Quiroga ya manelek iran misusutilan ed arum met
________________
1 Say talus na Plácido ed pangasinan, maános.
