a papárin wadman ira angankod loob na tindaan a nanduruipo,
ta sankarengel so malikeliket iran bosis da tan elek daran mankilaldak. Dimad aragdawi daiset, manalalagey so duaran cadete1
ya sasaraan day dalan tan mitotungtong irad sakey a lakseb a
managlako ed sakey met a tindaan; inarap ira nen Plácido ya
selaken tora, tan saramay cadete ta anengneng day ambilbilunget a lupa to tan atalusan day gagala ton gaween, tan manlapod maong so uló ra, pinmaliis laran pinalabás da. Si Plácido
ed saraman a bekta akuliteptepan, ya aliling toy toon a-hamok²
a kuanday taga Malaya.
Nen manasingger si Plácidod panaayaman to,-abong yay sakey a platero ya pankakaseroan to, ouksoyen toray kanunotan to tan lolutoen toy gaween to. Ompawil ed báley to tan ombales pian nipanengneng tod saray papári ya ag nayarin bengatbengat dan lemlemewen tan balbalawen so sakey a tubonbalo ya anggapoy nagawad sikara. Nunot toy mansulat a tampol ed kinen ina ton Kabesang Andang, ya ipakabat toy agawa, tan ibaga to met ya anggapo lay napanaralan to, ta anggaman tuan walay Ateneo ray papárin Jesuita a napangisumpalan tonian kurso, saray papárin dominiko agda anganko yabuloy so pakaalis to, tan anggano nagamoran to ni, diad ontumbok a taon nakaukolan lan lamang ya ompawil ed Santo Tomas.
"Kuanda ta agmi amtay ombalés! Nanengneng la no onterak so karol!"
Agto balet inilaloan nen Plácido so sabien tod abong. Kasabisabí nen Anakbanwan Andang a nanlapod Batangas a mansaliw, ondalaw ed anak to tan inawitan toy kuarta, pindang ya olsá tan panyolito ran sutla.
Kayari ton angigalang ed ina to, saya kalamor ta nanlapod gapo et naimano to lay ambilbilunget a kanenengneng nen anak to, agtola makakpel tan ginapoan to lay nantepet. Impasen nen Anakbanwan Andang a manbabaraan labat si anak to, akaimis, tan papupuyapoyen toy petang na uló to nia, ya ipapanunot toray irirap a intepel to tan impanggigimper tod inkasikaton dili, etc., tan tinungtong toy anak nen Kapitana Simona ya, manlapod linmoob ed Seminario et singala awawey na
________________
- 1 Manaaral a mansondalo.
- 2 Say hamok singa kakaambagel a maganon onlabas balet kaleganan to,
say too singa napgaay kababales a mauges ya alenleneg a pilalek toy manugat tan mamatey. Aliling toy panangibagad English ya "to run amuck".
