bulan. Tubonbalo, saniinaro, mankakarawan a tumtumboken
iray maasikason kainaan ono papanginaon dara pulok day estudianten akakawes na ampoti ya lalon papuputiey sinag na bulan; sondalo ran akainom ya anemirá rad sakey a luganan ya
onla ran ondalaw ed sinigpit iran simbaan ya intalagá rad kinen
Citéres;1 ugugaw a manggagalaw na tubigan; intsik iran manlalakoy unas, tan arum nira, papanoen day dalan, tan marakerakep
so pakanengneng ed sikara ed liwaway managaag a bulan. Diad
sakey ya abong manotugtog so orkista na sonata ran valses tan
sankanengneng iray mansasayaw ed liwawa ray kinke tan lamparaan.....Alay kapoy tan uges na pakanengneng to no ipara
tod dakep na nanenengneng ed saray lansangan a naames na liwaway bulan! Tan diad pannonunot tod Hongkong tinepet tod
inkasikaton dili no kasi ta saray lábin maliwaway bulan ed sa
man a polo et napno met iray karakpan tan matamtamoy a kaermenan a singa diad Pilipinas, tan alimbos so puso toy mapalalon
ermen.
Pinatonda nen Simoun so luganan tan inmepas iran dua. Diad saman a bekta sustosuston linmabas ed abay day Isagani tan si Paulita Gomez ya esaesan day masamsamit iran salita, tan manomtumbok ed sikaray Donya Victorina tan si Juanito Pelaez a maingal a mansasalita, mangakaksion a lalon manpalaloy pa kanengneng ed inka bukot to. Diad katatalibaga nen Pelaez agto anengneng si kaklasiyan to.
"Sikato may kuankon maliket!" kuanen Plácidon makalkalna ya nginmeswa tan tomtumboken toy mata may ulep dan ma narawi ya singa la ombuburarog, anggaman sankanengneng nin malinlinew so taklay nen Juaniton ontagey onlepsab ya aliling day payak na molino.2
Sikatotan labat so amta ton gaween!" kuan met nen Simoun a makalkalna, "sikato layay asabí ray tubonbalo!"
Siopa kasi labay nen Plácido tan si Simoun ya ibagá?
Sininyasan nen alajeroy Plácido, pinaliisan day lansangan tan linmilikoliko rad magmainget iran dalan tan nanlalaetay kaabongan; no arum onlokso rad tapetapew na bató pian napa-
____________________
- 1 Sakey yan panangingaran met ed Venus a diosay kalimgasan, tan ngaran
met na polo ya angiakaran ed sikato nen kapangianak, ya inlugan ed balbaleg a konchan nanayamay pirlas. Kanian say labay nen Rizal ya ibaga sirin so sarayan sondalo linmma arad abang iran kawalaan day bibiin mimiopa.
- 2 Gilingan a baleg a panagtemek na antoman, a walay duaran andurukey a payak ton nankurosan ya itetelek na dagem odino danum.
