payapayan dagem na lábi. Dimad lepsab a petek to managos
so singa pinakpak a pilak a danum na ilog na Pasig, ya amusiak irad tapew toy mansibsibuag ya alamaam a mantettetlek
iran onsuner onsulong a milmilad arap na ankelag iran aliwekwek. Dimad básil a pangdel so panalaglageyay siudad a neng.
neng day magmagket iran padir toy mangipapakabat na ambilunget ya arapen, anggaman asanibay amin a kaugsan da na
liwaway bulan a makapaabig tan makaparakep lanti anto kaman. Si Simoun balet akigtot lamet; singa sankanengneng tod
arap toy mabinbintan lupa nen amá to ya anggaman inatey ed
pangawan et inatey nisesengeg ed impanggawa toy maábig, tan
ontan met na lupay sakey a lakín lalon mabinbinta ni lamet,
sakey a lakin inter toy bilay ton imbagat ed pangilaban tod
sikato ta inisip ton gawaen toy anggaay nayarian to ed panun.
don. pamasimbalo tan pamaabig tod dálin ton nianakan.
"Andi, agko nayariay onsuner," kuanton pinunasay managos a linget ed muling to; "damdampoten ko lay sampot na kimey ko, tan say ibolaslás to mangiter ed siak na katonungan. No inalig ta kayo, inateyak met komon..... Italirak lara tay masurin panagnunot, saray makapalingon totuntonen a maong ira labat ed kanunotan! Apuy tan patarem so nakaukolan ya ipakaná ed marumsis a sakit a cáncer a mamapairap ed báley, say dusá ed mauges a gáwa, tan deralen a galpongen naani inkana no ompaway a mauges! Andi, inomameng ko lan maong... balet ta manaspok so kalamanan ko natan.....molimolí kalakal ko..... talagan onia labat.....no nanggawa ak na mauges andi arum ya akasengeg no ag say pilalek kon manggaway maabig tan say dapaten a kasumpalan mangiter na katonungan ed antoman ya ikana ed pakarapat..... Say nepeg ko labat ya asikasoen natan say agko kiparungtal......
Tn dinmokol a kusokusoy nunot to tan sinali toy onogip.....
Si Plácido, nen kaimbuasan dinengel ton matulotulok tan manimimis so impansirmon nen iná to. Nen asalita to nia so kanunotan to laen a patulongan ed procurador day Agustino ag sinumlang nen Plácido tan agmet sinmungpa, no agta in-
