tidad. Anapanapen to ra may sankatolukan ya igaganggan tod
Ibale, ya itetepel dan andi esel so amin a bururot to, tan natan
mas labay to la ra; tan nen sinmabi panaoy sibilao ya ipepélag
na hielo, anta agla lanti makaarawid pananginay ngalab ono
apuy a panagpapetang, et asakitan ni pulmonia, lalon kaililiw
toy panaoy ambetel ed Ibale ya masarasarag lay kolibenben ya
ibaliber to labat ed beklew to. Diad panaoy ampetang anapanapen to met imay yurongan ton perezosa1 tan samay ugaw a
managpaypay ed sikato. Say katipunan tonian amin so diad
Madrid singa labat sakey ed saray karaklan, tan anggaman
ankakabaleg iray brillante to, abaloan da nin siansian aminsan
ya timawa, ya agto amtan pati mangakar, tan aminsan met
abaloan dan indiano;2 panelelekan day pagpaga tod sakit to.
tan pinasiay inpanbabalaw dad sikato ran may mimiutang ed
sikaton agto apagustoan. Diad irap na linawa tod saramay
kalamanay partido conservador ya agda asikasoen iray simbawa
to, tan ontan met ed saramay totoon maliket a mibilay ya agda
tondaan a katkatan, akitipon ed saray partido liberal, tan pinmawil ed Pilipinas ya agto asabi sakey taon, tan no bilang ag
atambal so sakit tod altey, nauman balet ya aminpinsan so panagnunot to.
Say labinsakey bulan ya impanayam tod Corte, ya impilimog tod saray polítiko a maslak ed sikaray anggapoy anapbilay a wadman iran manpalpalteng labat ed pasen iran panagkapían; saray disdiskurson abanbanwit tod nambabangil a sukong; saray abasbasa ton palpalapag day oposision, tan samay
bilay na basingkawel a nasusungiap ed pati ililinawan dagem.
manlapod panagpakatliyan a legay barberon mangkatli et anggapoy tonda ton mansasalitan mangipaparungtal iray kaisipan to,
ya anggad saray punsia ray atatágey a totoo ya pangouksuyan
dad pananganan ed masamsamit tan ambelabelat iran panana.
lita, na nambabangil tan bengabengat lan agda panaabetan ono
pankakasipaay kanunotan tan pansisiblangan dan nipaakar ed
politika, etc....amin iraman, nen manárawi lad Europa ombibilay irad loob to, ya singa palakay ya ag akasulming a tampol
ta adepdepay bulobulong, kanian nen dinmoung ed Ibale niluto-
________________
1 Yurongan a nilagan kinayasan a babuyan ya magmainawa ta balibali saralan to, lan panangigatonay lima, insan nayarin ibuskag ya gaween a dokolan, pian niunat a pati saray sali.
2 Sikatoyay pananawag dad España ed saray inmonan totoo ed América nen agni adeskubri nen Columbus; indiano met so pananawag dad taga India.
