a makapoy, tan dúdusacy onkukurang iran ganggan no saksakey a tooy manggawa, ipanunot to rad satan a bitbitlaen iray
arum iran bansan ouleyan.
"Sikatayo," kuantod samay tanol na bosis ton singa manidiskurso, "nayarian tayoy mansalitad araparapan. Aliwa itayon singa saray ingleses ono saray holandeses a diad pamatulok dad saray ouleyan dan balbáley et ikana ray látiko. say ikakana tayo ran pamatulok anlemew, ag nalikas, balet ta anggapoy sapo...say makapaabig a pakayari ray papári dacg toy pakayári látiko ray inglés....."
Sarayan salita to apakpaknaan day totoo tan akalaan toy dayew. Andukey ya agew ya inkana ra nen Ben Zayb ed sulsulat to rad palapagan, anggaman umanumanen toy daiset, ya agto bukor so nanggawa nia no ag amin a totood ibale, saray totoon walay pakatalus ed Ibale, idaydayew da ra; sinmabí ran anggad Corte, abitla ra ed Parlamento' ya nanlapod sangi sakey a liberal ya abayag lan manaayam diman, etc., etc., etc.....tan saray papári ya liknaan day apagalang iran maong ed saman ya impangialiling, tan sankanengneng day inkasekderay kadadayew da, pinatuloran day Don Custodioy pigapigamplon kilon soklati, regalo yan impaipawil a tampol nen ag nasaliw a Don Custodio, ya nisengeg ed sayan súri ugali to, et impara lamet nen Ben Zayb ed kinen Epaminondas. Bang balet yan Epaminondas na balon panaon, ikakana toy babuyan no ompetang so uló to, tan ibibílin to ni ingen so pangikana!
Diad saraman ya agew, saray papári, diad paga ran onggampi Don Custodio ed pilalek day estudiante, mantotumbukay regalo rad sikato tan diad sayan ngarem a pakanengneng tid sikato, naguguló ta nadederal lay inkibantog ton makuli tan masiglat a mankimey. Masulok lan labinlimay agew a walad sikato ra may papipapil, tan saman a kabuasan, samay atagey so betang ton empliado, kayari ton indadayew so maptek a pananumpal toy nabebetang to. tinepet to no antoy apaabig ton gaween ed samay kerew day estudiante. Inebatan nen Don Custodion mabinbinta ya singa walay yaamot to, balet ta impatalus ton ayari to lan tinotulan. Samay atagey a betang ya empliado, akaimis na araldalem, a saman ya imis ag nalingoanan nen Don Custodio ya makaguguló nid sikaton anggad natan.
______________________
1 Congress.
1Nibantog a general a taga Tebas a tinalo to ran pinabtik ed sayan siudad so lacedemonias (taga Lacedemonia) tan tinalo to met^ira ed bakal na Leuctra.
